Ke Pahn Wia Kupwuren Siohwa?

Kalahnganki omw doadoahngki ahnsou ong kasawih pwuhk wet pwehn esehla Sounkadehdehn Siohwa kan, at doadoahk kan oh mwomwen at pwihn eh kin doadoahk. Se koapworopworki me e sewese iuk ken kasawihada kiht nin duwen aramas kei me kin wia kupwuren Siohwa rahnwet. Se kangoange iuk ken kaukaule sukuhlki duwen Koht, padahkihong tohn omw peneinei oh kompoakepahmw kan duwen dahme ke kin sukuhlki, oh kaukaule iang towehda atail mihting en Kristian kan.​—Ipru 10:23-25.

Ni omw pahn kalaudehla omw esehla Siohwa, ke pahn kalaudehla omw esehda uwen laud en eh kin ketin poakohng uhk ni mehlel. Eri met pahn kamwakid uhk ken wia uwen omw kak koaros pwehn kasalehiong ih omw limpoak. (1 Sohn 4:8-10, 19) Ahpw ia duwen omw kak wia met ni mwomwen omw mour? Dahme kahrehda peikiong sapwellime koasoandi kan kin keieu mwahu ong uhk? Oh dahme pahn sewese iuk ken men iang kiht wia kupwuren Koht? Me kin onop Paipel rehmw pahn perenki iang iuk rapahki pasapeng kan pwe kowe oh omw peneinei en kak “dadaurete ni limpoak en Koht . . . me pahn ketikihong kumwail mour soutuk.”​—Sud 21.

Se men kangoange iuk ken pousehlahte kekeirda nan padahk mehlel sang ni omw pahn uhd onopki pwuhk wet “Dadaurete ni Limpoak en Koht.”