Audepen Pali 5

Sounpwong riau mwurin arail kotehla Sehd Weitahtaho, mehn Israel ko kohdo ni Nahna Sainai. Wasao, Siohwa ketin wiahda inou ong mehn Israel ko me re pahn wiahla sapwellime wehi tohrohr ehu. E kin ketin pereirail oh ketikihda soahng koaros me re kin anahne me duwehte, manna pwe ren kang, likou me sohte kak teipeseng, oh wasa me sohte keper en kousoan ie. Ma kowe pahpa de nohno men, sewese noumw seri en wehwehki dahme kahrehda Siohwa ketikihong mehn Israel kan Kosonnedo, impwal sarawio, oh pwihnen samworo kan. Kasansalehda kesempwalpen en kolokolete atail inou, kin aktikitik, oh ahnsou koaros loalopwoatohng Siohwa.