1. Sapwellimen Koht Limpoak me Poatopoat
1 KOHT KETIN POAKOHNG UHK
“Kumwail en dadaurete ni limpoak en Koht . . . me kahluwalahng mour soutuk.”—Sud 21
Dahme kin kamehlelehiong uhk me Koht kin ketin poakohng uhk?
Sohn 3:16; 1 Sohn 4:8-10; Kaudiahl 4:11
Siohwa ketin kapikada mehkoaros pohn sampah pwe kitail en kak mour nsenamwahu. Mwurin Adam oh Ihp ara wiahda dihp, kupwuren Koht sohte wekila. E ketikihda sapwellime Ohl nin duwen pweinen pweipwei sapahl ehu pwe aramas koaros en kak ale mour soutuk.
Melkahka 65:2; Wiewia 5:32
Pwe Siohwa en ketin sewese kitail nan atail mour pil ahnsou wet, e ketikihong kitail Paipel, sapwellime manaman oh kisakis en kapakap. Ni ahnsou me kitail kin kapakap ong ih, e kin ketin karokaronge kitail.
2 PEIKIONG SIOHWA KIN AHNSOU KOAROS WIA KAMWAHUPATAIL
“Ngehi me KAUN-O omw Koht, me kupwurki padahkihiuk pwe en wia kamwahu ehu ong uhk.”—Aiseia 48:17
Ia duwen omw pahn paiekihda omw peikiong Siohwa?
Deuderonomi 5:28-33; 6:24
Siohwa kin ketin mwahngih atail kin nantihong peikiong ih. Peik kin kamwahwihala atail mour met oh kahrehiong kitail en kak ahneki mour kaselel ehu ni ahnsou kohkohdo.
3 KE KAK KASALEHIONG SIOHWA ME KE POAKOHNG IH
“Pwe iet duwen wehwehn poakohng Koht, me kitail en kapwaiada sapwellime kehkehlik kan.”—1 Sohn 5:3
Kitail kak peikiong Koht?
Deuderonomi 30:11; Melkahka 103:14
Siohwa ketin mwahngih me kitail sohte unsek. E sohte ketin padahkihong kitail en wia mehkot me kitail sohte kak wia.
Lepin Padahk 27:11; Rom 7:21-25
Atail limpoak ong Siohwa kin kihong kitail kehl en peikiong ih, mehnda ma e apwal.
Lepin Padahk 6:16-19; Episos 5:17
Ire mehlel en Paipel kan kin padahkihong kitail sapwellimen Koht madamadau kan. Ire mehlel pwukat kak kaiahnehda atail madamadau oh kalaudehla atail limpoak ong Siohwa. E kin sewese kitail en ese dahme kitail en wia mehnda ma Paipel sohte kasalehiong kitail ni oaritik.