4. Dahme Kahrehda Kitail Anahne Wauneki Irail me Ahneki Manaman?
1 SIOHWA KIN KETIN DOADOAHNGKI ARAMAS TEIKAN REN KAWEID KITAIL
“Wauneki soangen aramas koaros, . . . lemmwiki Koht.”—1 Piter 2:17
Dahme kahrehda e kak apwal en idawehn kaweid?
Nempe 16:1-3; Eklesiasdes 8:9; Rom 5:12
Duwehte kitail, aramas akan me Siohwa kin ketin doadoahngki pwehn kaweid kitail pil sohte unsek.
-
Sises ketikihda mehn kahlemeng me keieu mwahu ong peik. E kin ketin ahnsou koaros peikiong Siohwa.
Lepin Padahk 27:11; Mark 12:29, 30
Atail limpoak ong Siohwa kin kamwakid kitail en wauneki sapwellime koasoandi kan. Nan peneinei, mie kaunen peneinei. Nan sukuhl, mie sounpadahk kan. Nan mwomwohdiso, mie elder kan.
2 KOASOANDI EN PENEINEI KOHSANG REHN SIOHWA
“I kelepwikihdi mwohn Sahmo, pwehki ih, peneinei koaros . . . alehdi adarail.”—Episos 3:14, 15
Dahme kahrehda Siohwa ketin kupwurki kitail en wauneki koasoandi en peneinei?
Lepin Padahk 10:1
Siohwa ketin koasoanehdi peneinei en wia wasa ehu me sohte keper, wasa me seri kan kak kekeirda oh emenemen tohnpeneinei en kak ahneki nanpwungmwahu me limpoak.
Lepin Padahk 1:8; 1 Korint 11:3; Episos 6:1-3; 1 Piter 3:1
Peneinei kin paiekihda ma emenemen tohnpeneinei kin wauneki eh pwukoa.
3 SIOHWA KETIKIHONG SISES MANAMAN POHN MWOMWOHDISO
“Krais eh tapwin mwomwohdiso.”—Episos 5:23
Dahme kahrehda kitail anahne utung koasoandi en mwomwohdiso?
-
Sises kin ketin doadoahngki “ladu lelepek oh loalokong” pwehn apwalih sapwellimen Koht aramas akan pohn sampah.
-
Elder oh sounsawas kan kin sewese mwomwohdiso en kehkehlailte. Kitail kin kasalehda wahu ong sapwellimen Siohwa pwuhng en kaunda ni atail kin utung irail.
-
Koaros kin paiekihda atail kin utung ni unsek mwomwohdiso. Met wia sapwellimen Siohwa koasoandi ong kaudok.
4 SIOHWA KETIN MWEIDOHNG KOPERMENT KAN REN AHNEKI EKIS MANAMAN
“Sohte manaman ehu me sohte kohsang rehn Koht; Koht ketikidier manaman pwukat nan soangsoangen dake kan.”—Rom 13:1
Ia duwen atail kak kasalehda atail wauneki koperment kan?
-
Kitail kin kasalehda wahu sang ni dahme kitail kin koasoia oh wia. Met kin kalinganahla Siohwa.
Wiewia 26:2, 25; Rom 12:17, 18
Kristian akan kin peikiong kosonned en sahpw me re kin mihmi ie. Re kin pousehlahte kasalehda wahu mendahki arail sohte kin epwel mwahu.
-
Ire mehlel kan en Paipel kak seweseiuk ken peikiong irail kan me ahneki manaman.
Madiu 22:37-39; 26:52; Sohn 18:36; Wiewia 5:27-29; Ipru 10:24, 25
Ma koperment ehu padahkihong uhk ken wia mehkot me uhwong sapwellimen Siohwa kosonned kan, ke anahne pilada ihs me ke pahn peikiong.