Pasepeng Ehu Me Kapwarehda Mehlelpe

EHU NUHSPEHPA en Roman Kadolik en Britain me adaneki Catholic Herald, apwtehn ntingihda kisinlikou wet sang ohl emen me wadek nuhs wet nan Wales. “Ehu pwohngo, Sounkadehdehn Siohwa riemen kohdo imwe. I kosoiaiong ira me sarawi en Kadolik me karehda kamanamanla mehlel en Kadehde Kapw me irail Sounkadehde kan kin wadek. I pwuriamwei, pwe emen ira nda me met pwung. E kosoia, ‘Ehi, kumwail kamanahla ahpw kumwail sohte kin idawehn. Sises mahsanih, “kumwail en poakpene nanpwungamwail, duwehte ei kin poakohng kumwail,” ahpw kumwail kin kemehla emen emen. Ni kaimwseklahn mahweno, Kadolik kan kin kemehla Kadolik kan, ahpw sohte Sounkadehdehn Siohwa men me kin kemehla iengerail Sounkadehde teikan.’ Dahme ih pahn wia ahpw ihte pwungki met? Iaduwen kitail [Kadolik kan] kak kapakapki en miniminiong riatail kan me kaidehn kisehn atail lamalam ma sohte minimin mehlel nanpwungatail? Kitail soh anahne mahs kopwungala tiahk kanamenek wet en kemehla emen emen?”​—Sohn 15:12.

Mahwen en sampah riau en pahr 1900 wet kin tepiada nan Kristendom oh kin kemehla aramas 50 rar lel 60 rar samwa. Ahpw, ni mehlel, Sounkadehde kan en Siohwa sohte kin iang pidada mahwen ko, re pil sohte kin pidada pingiping kan me wiawi ahnsou pwukat. Iaduwen met kin wiawi? E pahn wia kamwahupomw en rapahkihda sahl kehlail en limpoak oh minimin me Sounkadehdehn Siohwa lime rar samwa nan sampah pwon kin ahnekipene.​—Pil tehk Aiseia 2:4.