Irail Kin Kapinga Ahr Sounkapikada

KIHRLAHN KETIPIN kin inenen kaselel. Ahpw ni ahnsou me ketipin kin kihrla nan tihnsowen nahna wet nan Apuan Alps en Tuscany, Italy, met kin wia mehkot me keieu keselel douluhl en kilang.

Sang wasa doh, ketipin kin mwomwen kihrdi ong nan nahnao, ahpw kaidehn kihrla palio nahna wet. Pwekihda? Pwehki ni kadokepen nahna wet mie pwoar ehu me mwomwen sisel sang nan nahnao. Ihme kahrehda nahna wet adanehki Monte Forato​—⁠Nahna Pwoar [Pierced Mountain]. Pwehki sampah kin pidakih ketipino, ihte pahn pak riau nan sounpahr ehu me aramas pahn kak kilang ketipin ah mwomwen kihrdiong nan pwoaro ni Monte Forato.

Duwehte kapikipikda teikan, audepen nanleng kin kapinga ahr Sounkapikada. Iaduwen? Duwehte mahlen kaselel ehu me kin wahdo kaping ong sounmahleno me wiahda mahlen kaselel wet. Audepen lahng kin mwomwen koasoi duwen sapwellimen Siohwa manaman oh erpit. Nin duwen sounmelkahka koasoia, “Ia uwen sansal en pahnlahng eh kasalehda sapwellimen Koht lingan; Ia uwen eh kasalehda mwahu mehkan me eh ketin wiahda.” (Melkahka 19:1; 69:34) Pwehki ketipino oh audepen lahng teikan kin kapinga ahr Sounkapikada, ia uwen kesempwal kitail aramas akan anahne kapinga Ih!​—Melkahka 148:​1, 3, 12, 13.