Kaping Laud Kohwong Kapokon Ehu Me “Inenen Kaselel”

SOUN PAKAIR MEN en radio nan Lima, Peru, kin peikasalki laud Sounkadehdehn Siohwa kan. Ahpw, mwurin e iang towehda arail kapokon en district ehu, ah madamadau wukihla douluhl. Ni mehlel, uwen laud en e mwekidki kapokon wet, e koasoiahki mehkot mwahu nan radio. Met iei ekei koasoi kan me e koasoiahda nan radio:

“Kapokono inenen kaselel. Sohte kisin doaropwe me mihmihseli mwahl nan taht de sounnetinet me wie netinetseli wasahn kapokon. Aramas me kin tangahki wararail sihdosa kan sohte pingada. Aramas limekid riepwuki kohla ni wasahn kapokono oh re pein wahdo ahr pekid kan, likou en kamwakel, dipwisou en limwih pwelpar, dustpan, kepinok, dawasi, gloves, oh soap en kamwakel nan wasahn kapokon. Irail pil litepwih wasa kan me anahn. Oh iawasa mwohni kohsang ia? Irail pein kihda arail sawas! Ni ahnsou me irail rong duwen me mie mehkot me anahne en wiawihda, irail koaros mwadangete kihda arail sawas. Ni mehlel, pelien lamalam en Kadohlik sohte kin nsenohki duwen ire pwukat. I men kapinga Sounkadehdehn Siohwa kan oh irail kan me koasoanehdi kapokon wet. Oh I men padahkihong irail sang nan mongiongiet, me Koht en ketin sewese kumwail oh kapaiada kumwail.”

Nan pahr wet, nan kanihmw akan nin sampah pwon Sounkadehdehn Siohwa kan pahn paiekihda Kapokon en Distrik me oaralap koasoia “Sapwellimen Koht Elen Mour.” Komw pahn iang towehda?

[Blurb nan pali 32]

“Sohte kisin doaropwe me mihmihseli mwahl nan taht”