Iang Noumw Seri Kan Wadawad

NIN DUWEN me makasihn en Brazil me adaneki Veja kasalehda, seri kan me arail pahpa oh nohno kan kin pwerisekiong wadawad kin kak kekeirada arail perenki wadawad sang seri kan me arail pahpa oh nohno sohte kin kalapw wadawad. “Ehukihpene wadawad kin kakehlailla kerenpenen nanpwungen pahpa/nohno oh seri kan oh kin kahrehong seri kan en wehwehkihla mwahu audepen pwuhk kan,” koasoia Martha Hoppe, toahktehn kekeirada seri.

Wadawad mie ngile ong noumw seri kan kin kihong uhk ahnsou mwahu en sapengla peidek kan. Ke kak kosoiaiong kilel kan me mih nan iren wadawado. Hoppe koasoia: “Uwen lauden en serio wehwehkihla audepen pwuhk kan, e pahn pil kalaudehla ah men rapahki pwuhk kan ni ahnsou me e men esehla mehkot.”

Pahpa/nohno tohto nanpwungen Sounkadehdehn Siohwa kan kin perenki iang neirail seri kan wadawad. Re kin wadek soangen pwuhk kan me duwehte Nei Pwuhk en Poadoapoad Kan en Paipel, Listening to the Great Teacher, oh The Greatest Man Who Ever Lived.a Soangen pwuhk pwukat sohte kin ihte sewese seri kan en esehla wadawad ahpw pil kin kalaudehla arail perenki pwuhko me keieu ndand nan sampah pwon​—⁠Pwuhk Sarawi. Ihme kahrehda, ma komwi pahpa men de nohno men, wia mehn kahlemeng ong noumw seri kan ni omw pahn pwerisekiong wadek Mahsen en Koht. (Sosua 1:7, 8) Oh ki mehkoaros, wiahda ahnsoun en wadawad ong irail!

[Nting tikitik me mi pah]