Kihkihwei me Kesempwal Mwohn Silangen Siohwa

Rahn Ohpis en Sounkadehdehn Siohwa kan nan Mozambique alehdi kisinlikou wet:

“Ngehi emen pwutak me sounpahr isuh. I kin iangete sukuhl. I kadarwei mwohni wet me I alehdi sang ahi apwalihada kisin pwurok kis. I netikihla ni uwen tala $1. I kalahngankihong Siohwa pwehki e kahrehong pwuroko me ih apwalihda en laudla wiahla emen kihng. I men ahi kisakis en kadoadoahkohng doadoahk en Wehin Siohwa.

“PS: Ahi pahpa sewese ie ntingihdi kisinlikou wet.”

Ekei aramas kin leme me irail ko me ahneki kepwe daulihla dahme re anahne me sapan. Ahpw, ni ahnsou me kitail wadek ireo nan Paipel me pid liohdi me kesehdiong nan deupen mwohni “kisin sent tontol riau,” kitail kak kalahnganki me sapan en emen kin sansalkihda, kaidehn uwen tohto me e kihda, ahpw sang lamalam pwung en mohngiong.​—Luk 21:1-4.

Siohwa kin ketin kalahnganki kisakis koaros, mendahki ia uwen tikitik, sang nan mohngiong ehu me kin mwekidki limpoak. E kin pil kapaiada irail ko me kin kahlemengih ah sapan ni arail kin kihda arail ahnsou, kehl, oh kepwe kan pwehn utungada doadoahk me pid sapwellime Wehio.​—Madiu 6:33; Ipru 6:10.