Dahme Kahrehda Ke Anahne Mahk?

“SCIENTIST KAN wiahdahr roporop ehu me kasalehda me kasalehda mahk kak kamwahuwihla pepehm kan​—oh, pil kakete kamwahuwihla pali roson en emen,” ripohtki The Toronto Star en Canada. Ahpw, Professor Carl Thoresen en Stanford University, U.S.A., me moangen roporop ong pali ehu me adaneki Stanford Forgiveness Project, kasalehda me “aramas malaulaute me wehwehki dahkot mahk oh iaduwen e kin doadoahk.”

Mahk mehlel kin wia irair kesempwal ehu en pelien Kristian. Ripoht en The Toronto Star kawehwehda me mahk iei “en pohnese me mehteikan wia sapwung ong uhk, mweidala nsensuwed koaros me kohsang met, oh kedekedeo kasalehong me wia sapwung ong uhk poakehla oh limpoak.” E weksang en pwungki wiewia ehu me sapwung, wiahiong kahrepe pwehn pwaindi, manokehla, de wiahki me dene e sohte sapwung, oh e pil sohte wehwehki me ke pahn mweidala pein uhk pwe mehteikan en wiekau uhk. Ripohto kasalehda me mehn kapir ong en kasalehda mahk mehlel iei “en mweidala omw lingeringer oh lamalam sapwung kan.”

Sounroporop kan koasoia me re anahnehte en wia roporop kan me pahn kasalehda me roson mwahu kin kohsang kasalehda mahk. Ahpw, re ripohtki me mie kamwahu en pelien pepehm kan, iangahki “katikitikla pwunod, oh nsensuwed.”

Ehu kahrepe kesempwal en kasalehda mahk kin sansalda nan Episos 4:32, me mahsanih: “A kumwail en kin kadekpene oh loallamwahupene, oh mahkpene duwen Koht eh ketin mahkohng kumwail rehn Krais.” Me pid kasalehda mahk, duwehte ni ahl teikan, kitail kin ale kangoang en kahlemengih Koht.​—Episos 5:1.

Kahng mahkohng mehteikan ma mie kahrepe mwahu kitail en mahk kak kauwehla atail nanpwung rehn Koht. Siohwa kupwurki kitail en mahkohng meteikan. Eri, kitail kak kapakapki me e pahn mahkohng kitail.​—Madiu 6:14; Mark 11:25; 1 Sohn 4:11.