Limpoak en Kristian Kaidehn E Wia Mehn Koasoite
NI ahnsou me kisiniei kauwehla imwarail nan Trinidad, peneinei en Bartholomew luhs sang mehkoaros—ahpw ihte arail mour me re sohte luhs sang. Emen arail peneinei me kin kousoan kerenih irail wahla irail en kousoan rehrail, ahpw met kaidehn imwin koasoi wet.
Olive Bartholomew iei emen Sounkadehdehn Siohwa, oh tohn eh mwomwohdiso me e kin iang—iangahki irail ko me kerenih wasao—tepiada kihda arail sawas ong pwurehng kauwada imwarailo me ohkihla kisiniei. Committee ehu wiawihda pwehn apwalih kakauwadahn ihmwo, oh kokou tepida. Mpen Sounkadehde 20, iangahki ekei mehn mparail kan, iang kokouwo. Pil me pwulopwul kan iang doadoahk, nindoken me pwulopwul teikan kin kihda mehn ketihnain.
“Ahi peneinei uhdahn pwuriamweikihla,” Olive koasoia, nin duwen me nuhspehpa en Trinidad me adaneki Sunday Guardian ripohtki. “Ahi peneinei kaidehn Sounkadehde kan, oh ahi pwoud kin pwuripwuriamweiki dahme e kilikilang.”
Ni ah oaralapihada arail nannanti, sounapwalih en doadoahk en kokou ihmwo kasalehda me soahngen wiewia ko kin uhdahn wia kilel en Kristian mehlel. E koasoia: “Se sohte kin ihte kohseli sang ihmw lel ihmw koasokoasoia duwen limpoak, se kin nantihong kapwaiada dahme se kalohki.”—Sohn 13:34, 35.
[Kilel nan pali 32]
Olive Bartholomew oh eh pwoud