Mehn Kataman Mwahu Kan Me Aramas Sohte Kak Manokehla

EHU EHU pahr, Sounkadehdehn Siohwa kan nan pein arail wehi kan kin pokonpene nan Kapokon en Kristian kan. Irail kin wia met pwe irail en kak paiekihda kaweid en kakehl akan oh pil ahneki ahnsou en werekiong emenemen. Ahpw, pil irair teikan me pid arail patpene kan kin wia mehn kataman mwahu ong irail akan me seiloakdo kan.

Karasepe ieu, nan July 1999, Sounkadehde kid kei kapokon nan Mozambique oh re pokonpene rahn siluh nan Kapokon en District me oaralap koasoia “Sapwellimen Koht Mahsen en Kokohp.” Me tohto nanpwungen aramas pwukat ehdin arail iang towehda kapokon. Irail kin pwuriamweikihla, kaidehn ihte padahk kan me re rong nan prokram, ahpw pil dahme re kilangada wasao.

Ehu kaping me kohda nan Wasahn Kapokon en Maputo: “I saikinte kilangada wasa lingan duwehte met nan ahi mour! Imwen kainen kan mie sohpw oh kilahs en irongin, oh pil pwohmwahu. Soahng koaros meleilei oh sohte ngilen seri wie pepeiseli. Oh sohte me kin pisiken! I kilang me pwulopwul akan kin peren oh iang koasoakoasoia mehkan me pahn kakairada arail pwoson. I pil pwuriamweikihla aramas akan arail likou kan soandi mwahu. Ehu rahn, I pahn wahdo nei seri kan oh ahi pwoud pwe sen iang towehda soangen kapokon wet.”

Ni mehlel, aramas kin kilang mwahu me Sounkadehdehn Siohwa kan kin ahneki soangen irair akan duwehte mehlel, lelepek, oh mwakelekel en paliwar. Dahme kahrehiong Sounkadehdehn Siohwa kan en weksang mehteikan? Pwehki irail kin inenen nantihong kapwaiada dahme re sukuhliki sang Pwuhk Sarawi. Dahme ke soh iang irail nan kapokon en nan pahr wet de pil iang towehda arail mihding nan wihk kan nan arail Kingdom Hall oh pein kilangki mesomw?

[Kilel nan pali 32]

ZAMBIA

[Kilel nan pali 32]

KENYA

[Kilel nan pali 32]

MOZAMBIQUE