Henry viii Oh Pwuhk Sarawi
WINSTON CHURCHILL ntingihdi nan nah pwuhk me oaralap koasoia History of the English-Speaking Peoples (Volume 2): “Nan palien sarawi, mwekid me kahrehda wiawihdahn pelien Pros (Reformation) wahdo wekidekla laud. Padahk en Paipel ahnsou wet pil pwurehngehr kohpeseng laud sang mahs. Irail dih en mwowe kan kin nda me Pwuhk Sarawi kin keper ong aramas me sohte sukuhl laud en wadek oh ihte kaun en lamalam akan me kak wadek.”
E pil doula oh koasoia: “Bible unsek me Tyndale oh Coverdale kawehwehdiong ni lokaiahn wai, oh ahpw tepin kasansal ong wehi pokon nan autumn en 1535, oh lel met, kawehwe sapahl wiawihier pak kei. Koperment en England kangoangehki kaun en lamalam akan en wadek Paipel.” Mwurin senturi kei a dower powe oh aramas akan saikinte ese audepen Paipel, England kangoange towe kan en esehla audepen Paipel, ahpw kalahngan en kohwong sapwellimen Henry VIII koperment a kaidehn pelien lamalam.a
“Pwe en wia wekidekla laud ong madamadau duwen Paipel, koperment padahkiong Paris en wiahda diren Paipel kan ni lokaiahn wai, oh re en wiahda Paipel kan en mwahu sang mehn mahs oko, oh nan September 1538, e lohkihda me mwomwohdiso koaros nan Wehio en pwainda ehu lapalahn Paipel ni lokaiahn wai pwehn mihmi nan ihmw sarawi kan: wasa me towe kan kak mengei ong kohla oh wadek. Paipel weneu kohdiong nan ihmw sarawi en St. Paul nan kanihmw en London oh aramas tohto pokondong wasao rahn koaros pwehn iang wadek pwuhk pwukat, ahpw mehlel, ahnsou kan me kak, re kin idihada aramas me ngihl kehlail en kin wadek ngihl laud pwe aramas teikan en iang rong.”
Ahpw, nan wehi tohto rahnwet, aramas sohte kin isaneki arail ahnsou mwahu en kaukaule wadek Paipel. Met wia mehkot laud ieu, pwehki Paipel kelepw me “pwilisang rehn Koht, oh e mwahu ong atail doadoahk en padahkihong aramas akan me mehlelo, ong atail peneu ong tiahk sapwung, ong atail kapwungala wiewia sapwung kan, oh pil ong atail padahk duwen mour lelepek.”—2 Timoty 3:16.
[Nting tikitik me mi pah]
a Nanmwarki Henry VIII kaunda England sang 1509 lel 1547.
[Kilel Credit Line nan Pali 32]
Henry VIII: Painting in the Royal Gallery at Kensington, from the book The History of Protestantism (Vol. I)