“Ahneki Nsen Mwakelekel”
ARAMAS tohto kin kalap nda “Mweidohng ahmw pepehm en kahluwa iuk.” Ahpw, pwe atail nsen mwakelekel en kak wia mehn kaweid pwung, e anahne en kasukuhliong en kak kasawihada dahme pwung oh dahme sapwung, oh kitail en pehmitikiong ah kaweid.
Tehk dahme wiawiong ohl emen me ede Sakies, me ntingihdi nan Pwuhk Sarawi. Sakies, me kin kousoan nan Seriko, wia kaun en soun rik daksis oh wia ohl kepwehpwe men. Sang ni pein ah wehkada, e kin alehdi a pai sang ni elen widing—wiewia ieu me kin kamedekehla aramas teikan. Iaduwen—ahn Sakies nsen mwakelekel kin kahrehiong ih en nsensuwedkihla ah wiewia sapwung kan? Ma iei, eri e sansal me e kin song en pohnsehse met.—Luk 19:1-7.
Ahpw, irair ehu pwarada me kin kahrehiong Sakies en medemedewe a elen mour. Sises kohla Seriko. Ohl mwotomwot Sakies men kilang ih, ahpw e sohte kak kilang ih pwe pokon me laud. Eri, ih tiengala oh douda nan tuhke pwoat pwehn kak kilang mwahu. Sises eri pwuriamweikihla ahn Sakies ah ngoangkihla en kilang ih, Sises eri padahkiong Sakies me e pahn kohla ni imweo. Sakies perenkihda en kasamwo aramas kesempwal menet.
Dahme Sakies kilangehr oh rongehr ni ah patohng Sises inenen sair mohngiongi oh kamwekid ih en wekid ah elen mour akan. E kasaledahr: “Maing, komw mwahngih pwe I pahn kisekisehki me semwehmwe kan apalien ei kepwe kan; a ma mie emen me I pitihasang mehkot, I pahn kapwungohng ni uwe ieu me laudsang pak pahieu.”—Luk 19:8.
Ahn Sakies nsen mwakelekel kaiahndahr mwahu, oh e rongehr oh mwekidikihier. Imwila mwahu kin wia mehkan me inenen deila mehlel. Medewehla duwen pepehm en Sakies ni ahnsou me Sises mahsanih ong ih: “Rahnwet komour me lelohngehr ni ihmw wet!”—Luk 19:9.
Ia uwen karasepe wet a wia mehn kangoang laud! E kasalehda me sohte lipilipil mehnia ahl me kitail kin wie weweidiki, kitail kak wekidekla. Duwehte Sakies, kitail kak karonge kaweid en sapwellimen Sises mahsen akan—me ntingihdi nan Paipel—oh nantihong kekeirada atail kehl en kasawihada dahme pwung oh dahme sapwung. Ma kitail kak wia met, kitail kak “ahneki nsen mwakelekel” nin duwen kehkehlik en wahnpoaron Piter. Kitail kak rong atail nsen mwakelekel, me kaiahnda mwahu, oh wia dahme pwung.—1 Piter 3:16.