Pwoson Kak Kamwahuwihala me Soumwahu kan?

NI AHNSOU me kitail kin soumwahu, kitail kin rapahki dahme kak kamwahuwihkitailla. Paipel kalapw kasalehda me Sises kin kamwahuwihala soumwahu tohto, oh kin kamaiouirailla sang arail soumwahu kan. Iawasa manaman en kamwahuwihala soumwahu kan kohsang ie? Paipel mahsanih me “manaman wet kin kohsang rehn Koht.” (Luk 9:42, 43; Wiewia 19:11, 12) Eri, ngehn sarawi en Koht me kamwahuwihala soumwahu kan, kaidehn ahn aramas soumwahuo pwoson me kahrehda. (Wiewia 28:7-9) Ihme kahrehda Sises sohte kin anahne aramas akan en kasalehda arail pwoson pwehn kak mwahula.

Ele mwein ke kak medemedewe: ‘Manaman pwukat ongete mehn mahs ako de manaman pwukat me Sises kin wia kak pwurehng wiawi? Koapworopwor dahieu mie ong irail akan me kin lokolongki medek en soumwahu de soumwahu kan me sohte kak mwahula?’

Paipel kin kawehwehda me nan sapwellimen Koht sampah kapw en aramas pwung kan, Koht pahn pwurehng doadoahngki ah manaman en kamwahuwihala soumwahu me duwehte dahme Sises wia ni ahnsou me e ketiket sampah. Irail Sounkadehdehn Siohwa kan nan ahmw wasa pahn perenki padahkiong uhk iahd oh iaduwen Koht ah pahn kamwahuwihala soumwahu koaros me aramas akan me dene arail pwoson kak kamwahuwihala soumwahu kan sohte kak wia​—kamwahuwihala soumwahu kan koaros, oh pil kihsang mehla. Ei, Koht pahn “kihsang mehla kohkohlahte.”​—Aiseia 25:8.