Kaping kin Kohwong Irail me kin Perenki Paipel

MARIANNA, iei emen Sounkadehdehn Siohwa nan Italy, mahkiher sounpahr 18 oh met kaimwiseklahn pahr nan high school. E kin iang sukuhl me pil ekei Sounkadehde pwulopwul kan kin pil iang.

Marianna ntingihdi, “Pahr ekei dower powe me ekei kiht kin wie wadewadek iren rahn sang nan Examining the Scriptures Daily, ni ahnsou en kommoal akan. Ieite wasa me se kin kak tuhpene ie iei nan wasahn aluhlahng ahn sounpadahk kan perehn en kommoal. Wasao pil kin ekis katairong. Pali laud en sounpadahk kan kin kilang kiht ni arail kin kot wasao, oh ekei kin uhdi oh kilang dahme se kin wiewia mwo. Met kin kalap kihong kiht ahnsou mwahu en sapeng arail peidek kan. E kin kak emen sounpadahk kin uhdi reht nan ehu ehu rahn. Me tohto nanpwungarail kin kesikesihnen oh rongorong ni aht kin kihda aht pasapeng oh kasalehda dahme se perenki nan iren Paipel kan, oh irail kin kapingahkin kiht aht perenki mehkan me ngenen. Ehu pako, keriemen en principal lukekihtlong nan perehn kommoal en sounpadahk kan en wia aht wadawad wasao.

“Mwurin ahi sounpadahko ah kilang wasa me se kin tuhpene ie, e peki rehn principal ma se kak tuhpene nan ehu perehn sukuhl ko, wasa me e pahn sohte nohn katairong. Principal mweidada oh ahi sounpadahk kapingahkin kiht mwohn tohnsukuhl teikan pwehki mehn kahlemeng mwahu me se wia. Kiht koaros inenen perenkihda pwehki ahnsou mwahu wet me Siohwa ketikihong kiht.”