Audepe Kan
WIHK EN JUNE 27, 2016–JULY 3, 2016
3 Kapwungala Kahpwal kan Nanpwungamwail ni Elen Limpoak
Pwehki kitail sohte unsek, kitail uhdahn pahn ahneki kahpwal rehn riatail Kristian kan. Nan iren onop wet, kitail pahn sukuhlki duwen kaweid kan oh ire mehlel kan sang nan Paipel me kak sewese kitail kamwahwihala kahpwal kan oh kolokol popohl rehn meteikan.
WIHK EN JULY 4-10, 2016
8 “Kohwei . . . oh Padahkihong Tohn Wehi kan Koaros; Pwe Re en Wiahla Nei Tohnpadahk”
Iren onop wet pahn kihda mehn kadehde kan me Sounkadehdehn Siohwa kan kelehpw nan sampah rahnwet me kin kapwaiada sapwellimen Sises kokohpo nan Madiu 24:14. Kitail pil pahn sukuhlki ia wehwehn en wia soun “laidih aramas akan.”—Mad. 4:19.
WIHK EN JULY 11-17, 2016
13 Ia Duwen Omw Kin Wiahda Pein Omw Pilipil kan?
Ni omw kin wiahda pilipil ehu, ke kin ihte wia dahme ke leme me pwung? De ke kin idek rehn meteikan dahme ke anahne wia? Iren onop wet kawehwehda dahme kahrehda pilipil kan me keieu mwahu kin wiawihda ni atail medemedewe ia sapwellimen Siohwa Koht madamadau.
WIHK EN JULY 18-24, 2016
18 Paipel Kin Pousehlahte Wekidala Omw Mour?
Ele ke wiahda wekidekla laud kan mwohn omw papidaisla. Ahpw ia duwe, ke pehm me ahnsou wet e kin apwal en wiahda wekidekla tikitik kan pwe ken kak kamwahwihala omw alasang Siohwa oh Sises? Iren onop wet kawehwehda dahme kahrehda e kak uhdahn apwal en wiahda wekidekla pwukat oh ia duwen Paipel eh kak sewese kitail.
WIHK EN JULY 25-31, 2016
23 Paiekihda Laud Soahng kan me Siohwa Kin Ketikihda
Nan iren onop wet, kitail pahn koasoiapene soahng keper ehu me kitail anahne soikala oh sukuhlki ia duwen atail kak paiekihda soahng koaros me Siohwa kin ketikihong kitail.