Audepe Kan

Inou depe me ke wiadahr ong Siohwa? Ia duwe, ke medewe me ke kin kapwaiada inou pwukat ni uwen me ke kak? Ia duwen omw inou en pwopwoud de omw inoukihong Siohwa omw mour? Nan iren onop wet, kitail pahn sukuhlki mehn kahlemeng kan en Sepda oh Ana, me kapwaiada ara inou ko. Met kak sewese kitail en kapwaiada pein atail inou kan ong Koht.

Kitail kin kalapw medewe duwen dahme Siohwa pahn ketikihong kitail nan Paradais. Ahpw nan iren onop wet, kitail pahn koasoiapene kahpwal pahieu me Siohwa pahn ketikihsang pwehn ketin wiahda sampah ieu me mie popohl oh nsenamwahu. Met pahn kakehlakahda atail pwoson oh atail en koasoanehdi teng en dadaurete.

Ni atail kamehlele me kitail pein lelohng de kilang wiewia sapahrek ehu, atail pwoson, aktikitik, oh loalopwoat ele pahn lelohng songosong. Iren onop pwukat koasoia duwen mwekid siluh nan Paipel me pahn sewese kitail en kasalehda sapwellimen Siohwa madamadau en pwung pahrek.

Mendahki Siohwa sohte ketin anahne mehkot sang kitail, e kin ketin kupwurperenki ni eh mahsanih atail kin nannanti en utung sapwellime kaunda. Kitail pahn sukuhlkihsang Sounkopwung irelaud 4 oh 5 me Siohwa kin ketin kalahnganki atail kin perenki papah ih oh idawehn sapwellime kaweid.