Peidek Kan Sang Sounwadawad Kan

Ia duwe, ma ohl emen oh lih emen me sohte pwopwoudida ahpw kelehpw pweidi nan ihmw ehu ni soh kahrepe, met wia mehn kadehde me ira dipada oh pwihn en elder me kin apwalihala dihp laud anahne kohpene pwehn koasoiapene duwen met?

Ei, ohl oh lih emen me kelehpwla pweidi nan ihmw ehu ni soh kahrepe wia mehn kadehde laud me ira wia tiahk samin me pid wia nsenen pwopwoud. Eri, ma sohte kahrepe kan ong ara wia met, pwihn en elder me kin apwalihala dihp laud anahne kohpene pwehn koasoiapene met.​—1 Kor. 6:18.

Pwihn en elder kan kin tehk kanahieng ehuehu irair pwehn kilang ma pwihn en elder me kin apwalihala dihp laud anahne kohpene. Karasepe: Ohlo oh liho kin pehsehpene (date)? Elder kan kaweid ira mahso duwen mwomwen ara wiewia ong emenemen? Dahme kahrehda ira pweidi rehn emenemen? Ira pilahnehda mwowe me ira en wia met? Mie ehu irair tohrohr, de mie mehkot wiawi me ira sohte kak apwalihala, duwehte irair ehu me pwarada ni soh kasikpe de kahpwal laud ehu pwarada me kahrehda ira anahne pweidi rehn emenemen? (Ekl. 9:11) Ia wasa me ira meir? Ehuehu irair wekpeseng, eri ele pahn mie ire tohrohr teikan me pahn kamwakid en elder kan ar pilipil.

Mwurin pwihn en elder kan koasoiapene duwen ire kan koaros, re pahn pilada ma mie anahnepen kihpene pwihn en elder me kin apwalihala dihp laud kan.