Kapokon kan en International Pahn Wiawi Nan North America Nan 1998
Nin duwen me pakairier Rahn Kaunop, October 5, 1996, ni mihding en Watch Tower Bible and Tract Society nan Pennsylvania me kin wiawi pak ehu nan pahr ehu, Governing Body pakairki me kapokon en international pahn wiawi nan 1998. Likin Kapokon en District kan me kin wiawi, mie ekei kapokon en international me pahn wiawi nan North America oh pil Aperika, Eisia, Iurop, Latin America, Caribbean oh South Pacific.
Ekei kapokon pwukat pahn wiawi nan North America, oh luhk pahn kohwong ekei aramas nan sampah pwon pwe ren iang towehda kapokon. Oh pil ehu, kitail kak kaskasik en tuhwong misineri kan ni kapokon en international pwukat. Luhk pil pahn kohwong misineri kan oh irail me iang doadoahk en kalohk likin pein arail wasa me Society koasoanehdi pwe ren iang towehda kapokon kan nan pein arail wasa.
Ire teikan me pid rahn kan en kapokon, wasa kan, ihs me Society nda me warohng en iang, oh koasoandi kan ong irail me pahn iang kapokon kan sang liki oh ekei ire teikan pahn pakair mwuhr. Ekei brother oh sister kan sang United States pahn kak iang towehda kapokon en international nan wehi teikan. Irail sounkalohk kan me pilahn en audehda neirail application ong ihs me kak iang kak tepiada nekidala neirail sent kan ong kapokon pwukat.