Pakair Kan

◼ Pwuhk en kihla nan January: New World Translation iangahki pwuhk sohte lipilipil me mihmi nan Kingdom Hall. February: Pwuhk sohte lipilipil me mie ni pali-192 me mihmi nan Kingdom Hall. March: Wiaiong Mour En Ahmw Peneinei Nsenamwahu.

◼ Katamanpen Kamatalahn Krais nan 1998 pahn wiawi Rahn Kaunop, April 11, mwurin kihrlahn ketipino. Se men katamankin brother kan en tepida kaunopada ong anahn akan en rahno. Pwehki rahno inenen kesempwal, pwihn en elder kan pahn pilada elder koahiek men pwehn wia kapahrek kaidehn elder sohte lipilipil.

◼ Nan sounpwong en February 1998, kitail pahn onopki pwuhken Ke Kak Mour Kohkohlahte Nan Paradais Nin Sampah nan Onop en Pwuhk en Mwomwohdiso ahnsou me kitail kanekehla brochure Dahme Koht Kupwurki Kitail en Wia?

◼ Ihs kak ale neirail Atail Doadoahk Ong Wehio? Doaropweo Atail Doadoahk Ong Wehio wiawihda pwehn sewese oh kangoange irail me kin iang doadoahk en kalohk. Ihme kahrehda, kitail sohte pahn kihong aramas sohte lipilipil doaropweo. Sounkalohk kan me papidaislahr oh irail me kin iang kalohk ahpw saikinte papidais kak ale neirail doaropwe. Irail me kin kalap iang towehda Service Mihding oh me wie kakairada mwahu pwehn kak iang kalohk ehu rahn kak pil ale neirail doaropwe. Ehu doaropwe pahn mihmi nan Kingdom Hall Library. Kitail sohte pahn kihong irail me piskenla kan neirail doaropwe wet.

◼ Ekei mwomwohdiso kan kin ntingihdi ihs nan mwomwohdiso me kak ale neirail doaropwe oh kin kihpeseng nanpwungen Onop en Pwuhk en Mwomwohdiso pwe ren koasoanehdi. Emen emen brother me kin wia Onop en Pwuhk en Mwomwohdiso kak ale eden brother oh sister kan oh type de ntingihdi mwahu ederail pohn neirail doaropwe. Koaros me kin ale neirail doaropwe Atail Doadoahk Ong Wehio anahne kesempwalki neirail doaropwe oh doadoahngki pwehn kaunopada ong Service Mihding oh kalohk. E pahn mwahu ma ke nekidla mwahu noumw doaropwe kan nan pein noumw library pwehn kak doadoahngki ehu rahn.

◼ Audiocassettes Kapw Kan:

Why Respect Theocratic Arrangements? (Drama, single cassette)—English

◼ Compact Discs Kapw Kan:

Kingdom Melodies, Volume 5

Kingdom Melodies, Volume 6

◼ Videocassettes Kapw Kan:

The New World Society in Action​—Chinese (Cantonese), Chinese (Mandarin), Japanese