Kihla Paipelo New World Translation
1 “E inenen katapan en naineki Paipelo New World [Translation]. Audepe me momour oh uhdahn kin wiawi nan mour, oh kin kahreong aramaso me wadek en medemedewe oh en onopki. Kaidehn irail Sounkasawih wasa kan me sapwung nan pwuhk kan me ntingihda pwuhk wet, ahpw irail me loalokong kan me kin wauneki Koht oh sapwellime Mahsan.” Ih met me emen sounkawehwe en Ipru oh Krihk koasoia. Kitail pwungki met. Iaduwen kitail kak sewese mehteikan en pil kalahnganki New World Translation ni ahnsou me kitail kin kihong irail Paipel wet iangahki pwuhken Mour Kohkohlahte nan sounpwong en January?
2 Ekei aramas pahn nda, “Mieiehr nei Paipel. I sohte anahne pil ehu Paipel.” Atail mehn akadei iei en sewese irail en kilang me Paipelo New World Translation kaidehn e wiahte ehu kisehn Paipel teikan. E wia kawehwehn Paipel ehu me kin doadoahngki lokaiahn rahnwet me kin pwungiongte tepin kawehwehn Paipel en mahso. Ehu ire me kahreong en uhdahn siksang Paipel teikan kin kak kasansalda ni atail pahn kaparekihpene kawehwehn soahngen lepin lokaiahn wai “shambles” (King James Version) ong lepin lokaiahn waio “meat market” [wasahn netiki uduk] (New World Translation) me kileledi nan 1 Korint 10:25.
3 Ahpw, aramas malaulau me kin wadek Paipel, oh re pil sohte kin wehwehki ah mouren kosonned kan ong mour en ehuehu rahn. Re anahne en ese me Mahsan en Koht kak kamwekid arail mour ong me mwahu oh me kapwaiada kaweid en Paipel kan me pid en mehlel, oh tiahk mwakelekel, oh mouren peneinei kak sewese irail en powehdi kahpwal kan en rahnpwukat. Iaduwen re kak wia met?
4 Ehu Sawas en Kihla Paipelo New World Translation: “Ke pahn pwungki me pwehki tiahk en rahnwet ah inenen wekiwekila mwadang, oh iangahki soh tengeteng en atail ahnsou kohkohdo, kitail anahne ehu mehn kaweid likilik nan mour? [Mweidohng tohnihmwo en sapeng.] Mendahki e mering sang pwuhk koaros, Paipel kin kihda kaweid katapan kan ong mouren ahnsouwet oh ong mour nsenamwahu en peneinei.” Pakalahng irelaud 5 nan pwuhken Mour Kohkohlahte, oh wadek parakrap 6, iangahki 2 Timoty 3:16. Ma tohnihmwo perenki, idek reh ma e men naineki pwuhken Mour Kohkohlahte, oh kawehwehiong atail prokram en onopkihong aramas Paipel ni soh isepe, oh pil idek reh ma e men naineki Paipelo New World Translation. Ma ke lemeleme me e pahn mwahu en tepiada onopkihong ih brochure Kupwurki, ke kak wia met. Ke pahn diarada tepin koasoi teikan ni pali 9-15 nan pwuhken Reasoning.
5 Kitail en kasansalehda atail kalahnganki Paipelo New World Translation. Kitail kak wia met ni atail pahn, ni ngoang, kihla Paipelo New World Translation nan sounpwong en January.