Mie Irail kan me Ke kin Wahla Neirail Makasihn Kapw nan Sounpwong Koaros?
1 Aramas tohto, mendahki re ekis perenki padahk mehlel, saikinte kekeirada pwe ren men onopki Paipel. Ahpw arail perenki padahk mehlel kak kekeirada ma emen pahn kin kaukaule pwurala rehrail oh wahla rehrail Kahn Iroir kapw kan.
2 Ni ahnsou me tohnihmw men kasalehda ah uhdahn perenki rong ni ahnsou me e tepin ale makasihn ehu, ke kak kawehwehong ih me artikel kaselel kan kin pwarada nan Kahn Iroir sounpwong koaros oh me ke pahn perenki wahdo nah. Tehk mwahu pwe ken kaukaule pwurehng pwurela, oh isaneki ahnsou mwahu kan en kosoiaiong tohnihmwo padahk kan en Paipel. Loalopwoatohng wahlahng aramas akan makasihn kapw kan nan sounpwong koaros pahn kak kamwekid aramas emen en men ken onop Paipel reh.