Mehn Kataman kan en Katamano

Katamanpen Kamatalahn Krais pahn wiawi Ni Esil, April 19. Elder kan pahn tehk kanahieng ire pwukat:

◼ Ni ahr koasoanehdi kuloak me Kataman pahn wiawi, ren tehk mwahu me pilawa oh wain en dehr pahsseli lao mwurin ketipin kihrla.

◼ Koaros, iangahki brother me pahn wia padahko, pahn anahne ese kuloak oh wasa me Kataman pahn wiawi.

◼ Kingdom Hall de wasa teikan me Kataman pahn wiawi ie anahne en kamwakelehda mwahu mwohn Kataman.

◼ Anahne en alehda oh kaunopada soangen pilawa oh wain me pahn konehng kadoadoahk ni Kataman.​—Kilang Watchtower (lokaiahn wai) en February 15, 1985, pali 19.

◼ Dahl kan, kep klahs kan, oh ehu tehpel oh likoun pwaindi tehpelo anahne en wisikdo ni Kingdom Hall oh pwildiong wasa kan me soahng pwukat pahn mie mwohn Kataman pahn tepiada.

◼ Anahne en pilada attendant kan oh irail kan me pahn pahsseli pilawa oh wain oh kihong irail kaweid ong duwen wiepe pwung kan ong met oh duwen arail pwukoah kan mwohn Kataman.

◼ Koasoandi kan anahne en wiawihda pwe pilawa oh wain en pahsihong me keidi kan me soumwahu oh sohte kak iang towehda Kataman.

◼ Ni ahnsou me mwomwohdiso tohto sang ehu pahn koasoandi en doadoahngki Kingdom Hall ehute, mwomwohdiso kan anahne koasoanehdi mwahu pwe towe kan en dehr kin pokopokon ni soh kahrepe nan wasahn pedolong kan, nan wasa kan me aramas kin alu, ni keilen ahl akan, oh wasahn peidi en sidohsa kan.