Kousapahl En Theocratic Ministry School
Kousapahl wet me pid padahk kan me kitail sukuhlikier nan Theocratic Ministry School erein wihk en January 3 lel April 17, 2000. Doadoahngki ehu doaropwe tohrohr pwehn ntingihdi pasepeng kan uwen me ke kak erein ahnsou me mweimweiong.
[Tehk kanahieng: Ahnsou me kousapahl pahn wiawi, kitail kak doadoahngkihte neitail Pwuhk Sarawi. Reference kan me ntingdi mwurin peidek kan kak kadoadoahk ni pein atail ahnsou. Me pid reference en The Watchtower, pali oh parakrap kan sohte kin kileledi ahnsou koaros.]
Komw pahn sapeng Pwung de Sapwung:
1. Ekei pak, kitail anahne awih pwehn kak alehdi kapai kan sang Siohwa, pwehki Siohwa kin keieu wehwehki irair kan me kitail mihmi loale oh dahme pahn keieu mwahu ong kitail. (Mel. 145:16; Seims 1:17) [w98 1/1 p. 23 par. 6]
2. Mendahki Kohpwahn Inou mihmi rehn mehn Israel kan, irair wet kelepw sohte wehwehki me mehn Israel kan pahn pweida nan arail mour. Siohwa kin ihte kapaiada irail me kehlail ni pali ngehn oh pil kin peikiong Ih ni lelepek, oh me Kohpwahn Inou mihmi rehrail. (Sosua irelaud 7) [Wadawad en Paipel erein wihko; kilang it-1 p. 167 par. 2.]
3. Rahnwet, ma kitail ihte kin wadwadek Mahsen en Koht, kitail kak kehlail ni pali ngehn. (Deud. 8:3) [Wadawad en Paipel erein wihko; kilang w85 6/15 p. 17 par. 15, 17.]
4. Dahme ntingihdi nan Kosonned en Moses nan Deuderonomi 23:20 kin kasalehda me emen Kristian kin sempoak ma e pahn ale wihn en mwohni (interest) sang emen me pweipwand ong ih. [Wadawad en Paipel erein wihko; kilang it-1 p. 1212 par. 5; it-2 p. 259 par. 11; w86 10/15 p. 12 par. 9.]
5. Ripoht mwahu me Sosua oh Kalep kihda poahsoanda pohn ara kamehlele me mehn Israel kak powehdi kahpwal koaros me pahn lelohng irail ni arail pahn nantihong kalowehdi oh sapwenikihla Sapwen Inou. (Nempe 13:30) [w98 2/1 p. 5 par. 4]
6. Ni ahnsou me Pohl koasoia duwen “kisakis” nan 1 Timoty, e kin katamankin Timoty me Ngehn Sarawi keidi ih oh mie deue nanleng. (1 Tim. 4:14) [w98 2/15 p. 25 par. 1]
7. Sohte mehkot nan pwuhken Sosua kin kasalehda duwen kadaudok en Ih me pahn kaunda Wehin Koht. [si p. 46 par. 24]
8. Pwuhken Sounkopwung kin wia rekord en ohl akan me wehin Israel pilada pwehn kaunda arail wehi mwohn ahnsou me nanmwarki kan kin kaunda wehio. [si p. 46 par. 2]
9. Pekipek me Kidion wia, me ntingihdi nan Sounkopwung 6:37-39, kin kasalehda me e kin nohn tetehk daulihla oh sohla likilik. [Wadawad en Paipel erein wihk; kilang w88 4/1 p. 30 par. 6.]
10. Ni en Sises kaweidki sapwellime tohnpadahk kan en ‘dehr uhdi nanial akan pwehn rahnmwahwih aramas,’ E men kasalehong irail me doadoahk en kalohk inenen karuwaru oh ren dehr mweidong mehkot en kahrehong irail en sohpeisang doadoahk kesempwal wet. (Luk 10:4) [w98 3/1 p. 30 par. 5]
Wia ahmw pasepeng kan ong peidek pwukat:
11. Dahme kahrehda e kesempwal sapwellimen Siohwa mahsen kan en mihmi nan mohngiong en pahpa oh nohno kan? (Deud. 6:5, 6) [Wadawad en Paipel erein wihk; kilang w98 6/1 p. 20 par. 4.]
12. Iaduwen tapwin peneinei kak doadoahngki kaweid en Deuderonomi 11:18, 19? [Wadawad en Paipel erein wihk; kilang fy p. 70 par. 14.]
13. Dahme Pwuhk Sarawi mahsanih me kasalehda me Onesimus, ladu men me tang sang eh soumas, mihmi rehn wahnpoaron Pohl ahnsou reirei mwohn Pohl ntingdiong Pailimwon? [w98 1/15 p. 30 par. 2]
14. Ni ahnsou me kitail kin kilang kopwung sapwung wiawi de lelohng soahng pwukat, dahme kitail kak wia pwehn dehr ahneki madamadau me soahng koaros me suwed oh sohte mehkot kitail kak wia ong soahng suwed pwukat? [w98 2/1 p. 6 pars. 2-3]
15. Iaduwen Sosua oh Kidion kasalehda me re wauneki Kosonned en Koht? (Deud. 20:8, 15-18) [si p. 41 par. 32]
16. Iaduwen dahme wiawi nan Sosua 10:10-14 pahn duwehte dahme pahn wiawi nan Armakedon? [Wadawad en Paipel erein wihk; kilang w86 12/15 p. 23 par. 12–p. 24 par. 14.]
17. Ntingihdi kamwahu siluh me pahn wiawi ma kitail kapinga wiewia mwahu en meteikan oh wia met sang mohngiongatail. (Kilang Lepin Padahk 15:23.) [w98 2/1 p. 31 pars. 5-6]
18. Nin duwen dahme Sosua 20:4 kin kasalehda, iaduwen emen pahn tangalahng Kahnimw en Rukula en pali ngehn? [Wadawad en Paipel erein wihk; kilang w86 12/15 p. 24 par. 16.]
19. Iaduwen Sounkopwung 5:31 kin kasalehda me Sounkopwung Parak eh kalowehdi karis en Sisera ni Pillap Kison kin mie wehwe ong atail ahnsou? [Wadawad en Paipel erein wihk; kilang w86 2/15 p. 21 par. 4.]
20. Iaduwen kitail kak kapwaiada lepin koasoi me ntingihdi nan Sounkopwung 7:21 me mahsanih: “re mihmihte nan arail wasa”? [Wadawad en Paipel erein wihk; kilang w82 6/1 p. 25 par. 17.]
Ntingihdi lepin lokaia de lepin lokaia kan me konehng pwehn kaunsekehla koasoio pwon:
21. Pwehn ale kapai kan sang Siohwa, kitail en nantihong _________________________ oh kapakapkihong Siohwa en sewese kitail en _________________________ padahk kan me ntingihdi nan sapwellime Mahsen. (1 Tim. 4:8, 9) [w98 1/1 p. 24 par. 6]
22. Siohwa sohte kin kupwurperenki aramas me kin kapinga mwahl aramas teikan pwehki _________________________ kin kamwekid emen en wia met, or pil e sohte _________________________ de _________________________ , oh laud sang mehkoaros, e kin kasalehda _________________________ . [w98 2/1 p. 30 pars. 2-3]
23. “Sosua” kin wehwehki “ _________________________ ,” oh e kin mwete _________________________ . [si p. 42 par. 5]
24. Nin duwen sapwellimen Sises karasaras me ntingihdi nan Madiu 7:24-27, pahpa oh nohno kan me loalokong kak sewese neirail seri kan en powehdi kasongosong kan ma re kin kihong irail _________________________ me pahn sewese irail en _________________________ nan pwoson. [w98 2/15 p. 9 par. 1]
25. Pwuhken Sounkopwung kin kasalehda dahme wiawi sang ahnsou me _________________________ mehla lao lel ni mwehin _________________________ , oh pwuhk wet kin koasoia dahme wiawi erein sounpahr _________________________. [si p. 47 par. 5]
Pilada pasepeng pwung nan ehu ehu sentence kan:
26. En kaunopada ong dahme pahn wiawi ong nein emen dipwisou kan mwurin eh mehla kin wia pwukoah en (mwomwohdiso; pein ih; Kristian mehlel kan). (Kalesia 6:5) [w98 1/15 p. 19 par. 6]
27. Pohl kangoange Pailimwon, ni ahl kadek, en kasamwo (Onam; Onesiporus; Onesimus) oh sohte idingkihong ih en wia met de kasaledekla nah ladu. (Pailimwon 21) [w98 1/15 p. 31 par. 1]
28. Luwet mehlel en irail me soumwahuki tokutok me Sises kamwahuiala iei arail (seupwoson; sapeik; soh kalahngan). (Luk 17:11-19) [w98 2/15 p. 5 par. 1]
29. Pwehki e sansal me Koht pwungki dahme Rahap wia, ahnsou me e lokaiaiong mehn Seriko kan ahnsou me re pwakih lipoahrok en Israel, kin kasalehda me (e wia pein ahmw pilipil ma ke men lokaia likamw de soh; kitail sohte anahne kasalehda dahme mehlelo ong irail me sohte konehng en ese; e saikinte kesehla eh mour en sampah). (Sosua 2:3-5; pil kilang Rom 14:4.) [Wadawad en Paipel erein wihk; kilang w93 12/15 p. 25 par. 1.]
30. Nin duwen Sohn 13:5 kin kasalehda, Sises men kasalehda iaduwen emen pahn mwekidki irair en (kadek; limpoak; aktikitik), me kin kak kahrehong emen en wia doadoahk en papah meteikan. [w98 3/15 p. 7 par. 6]
Pilada mehnia iren Paipel me pahn pahrekiong sentence kan: Deuderonomi 7:3, 4; 17:7; 25:11, 12; 28:3; Seremaia 15:20
31. En Sounkapikpatail eh kin wauneki dipwisou en kaparapar pahn kamwekid Kristian kan en pilada mwahu iaduwen emen pahn irehdi naineki seri. [Wadawad en Paipel erein wihk; kilang w99 6/15 p. 28 par. 1-4.]
32. Kitail kak likih me Siohwa pahn ketin sewese kitail ma kitail pahn kapwaiada atail pwukoah en kalohki Rongamwahu en Wehin Koht. [w98 3/1 p. 28 par. 1]
33. Peikiong kaweid en Paipel kin sewese kitail en dehr lelohng kahpwal me kin wiawi ma emen pahn pwoudki emen mehn liki. [Wadawad en Paipel erein wihk; kilang w89 11/1 p. 20 par. 11.]
34. Atail ale kapai kan sang Siohwa sohte kin poahsoanda pohn iawasa kitail mihmi ie de pwais dah kan me kitail kin ahneki. [Wadawad en Paipel erein wihk; kilang w96 6/15 p. 15 par. 15.]
35. Pohl kin kasalehda me sapwellime kaweid me mihmi nan 1 Korint irelaud 5 me pid pisikenla kin poahsoanda pohn sapwellimen Siohwa Kosonned. [Wadawad en Paipel erein wihk; kilang si p. 213 par. 24.]