EKousapahl En Theocratic Ministry Sukuhl
Kousapahl wet me pid padahk kan me kitail sukuhlikier nan Theocratic Ministry Sukuhl erein wihk en May 1 lel August 21, 2000. Doadoahngki ehu doaropwe tohrohr pwehn ntingihdi pasapeng kan uwen me ke kak erein ahnsou me mweimweiong.
[Tehk kanahieng: Ahnsou me kousapahl pahn wiawi, kitail kak doadoahngkihte neitail Pwuhk Sarawi. Reference kan me ntingdi mwurin peidek kan kak kadoadoahk ni pein atail ahnsou. Me pid reference en The Watchtower, pali oh parakrap kan sohte kin kileledi ahnsou koaros.]
Ke pahn sapeng Pwung de Sapwung:
1. Ahn Kidion pasapeng ahnsou me mehn Epraim lingeringer pah oh lokaia keng ong ih kasalehda me Kidion kin kasalehda lamalam en aktikitik oh karakarahk oh kahrehda mehn Epraim meleileidi. (Sounkopwung 8:1-3) [Wadawad en Paipel erein wihk]
2. Mendahki Manoha mahsanih “ata kilangehr Koht,” ni mehlel, re sohte uhdahn kilang Koht, re kilang tohnleng men me pakairkihong ira dahme Koht mahsanih. (Sounkopwung 13:22) [Wadawad en Paipel erein wihk; kilang w88 5/15 p. 23 par. 3.]
3. Nan Sounkopwung 5:31, lepin lokaia pwukat “irail kan me kin poakohng komwi” kin wehwehkiong irail 144,000 me pahn iang kakaun nan Wehio oh met kin pid kokohp. [si p. 50 par. 28]
4. Sohte kisin doaropwehn Pwuhken Rud me diarekda nan “Dead Sea Scrolls.” [si p. 51 par. 3]
5. Sounkopwung 21:25 kin kasalehda me mie ahnsou nan poadoapoad en wehin Israel me Siohwa sohte douluhl kaweid irail. [Wadawad en Paipel erein wihk; kilang w95 6/15 p. 22 par. 16.]
6. Sansal en tohnleng kan (cherubs) me kin mihmi pohn Kopwahn Inou kin wehwehki me Siohwa ieiang irail, pwe Pwuhk Sarawi mahsanih me Siohwa kin “mwohndi nanpwungen cherub ko.” (1 Sam. 4:4, ftn.) [Wadawad en Paipel erein wihk; kilang w80 11/1 p. 29 par. 2.]
7. Ni ahnsou me nein Sohl sounpei kan kang nta ahpw kalokolok sohte kohwong irail, met kasalehda me ekei pak e konehng en kauwehla sapwellimen Koht kosonned pwehn kapitala ahmw mour. (1 Sam. 14:24-35) [Wadawad en Paipel erein wihk; kilang w94 4/15 p. 31 pars. 7-9.]
8. Mendahki ekei aramas kin lemeleme me lepin lokaiahn wai “persuasion” kin wehwehki kaweid sapwungih aramas akan, lepin lokaia wet pil kak pid mehkot mwahu oh pahn pid en emen kin kawehwe ong meteio duwen mehkot oh doadoahngki ire mehlel kan pwehn kahrehong ih en kamehlele mehkot. (2 Tim. 3:14, 15) [w98 5/15 p. 21 par. 4]
9. “Ehd en mour” kin wehwehki sapwellimen Siohwa koasoandi en pere oh komourala aramas, oh met pahn kahrehong Depit en ale kapai kan ma e sohte pahn pwukoahki nta en aramas. (1 Sam. 25:29, New World Translation) [Wadawad en Paipel erein wihk; kilang w91 6/15 p. 14 par. 3.]
10. Inou me wiawi nanpwungen Siohwa oh Depit me pid mehmen me pahn kaunda Wehin Koht, me sansal nan 2 Samuel 7:16, kin kasalehda duwen lain en Mesaia oh kin pil kasalehda sang ni palien kosonned me mehmen me pahn kaunda “poatopoat kohkohlahte” pahn kohsang kadaudok en Depit. [Wadawad en Paipel erein wihk; kilang w89 2/1 p. 14 par. 21–p. 15 par. 22.]
Wia ahmw pasapeng kan ong peidek pwukat:
11. Mehn kamehlele dahieu Melkahka 34:18 kin kihong kitail? [w98 4/1 p. 31 par. 2]
12. Pwehki aramas en ahnsowo kin aditikih Sosep Parnapas, met kin kasalehda dah duwen ih? (Wiewia 4:36) [w98 4/15 p. 20 par. 3, ftn.]
13. Dahme kahrehda Pwuhk Sarawi mahsanih me Ilai kin wauneki nah pwukat kan laud sang e kin wauneki Siohwa? (1 Sam. 2:12, 22-24, 29) [Wadawad en Paipel erein wihk; kilang w96 9/15 p. 13 par. 14.]
14. Dahme kahrehda pwuhken Rud pahn kak kakehlailih atail kamehlele me inou kan koaros me pid Wehin Koht pahn pweida? [si p. 53 par. 10]
15. Nin duwen dahme 1 Samuel 1:1-7 kasalehda, mehn kahlemeng mwahu dahieu ahn Samuel peneinei wia ong kitail? [Wadawad en Paipel erein wihk; kilang w98 3/1 p. 16 par. 12.]
16. Ni ahl dahieu e pwung dahme Pwuhk Sarawi mahsanih: ‘manaman en kepwehpwe kin pitih aramas’? (Madiu 13:22) [w98 5/15 p. 5 par. 1]
17. Iaduwen Sonadan (me mah sang Depit) kasalehda me e wauneki Depit, me wia aramas me Siohwa idihada, oh met kin karasaiong dahieu rahnwet? (1 Sam. 18:1, 3, 4) [Wadawad en Paipel erein wihk; kilang w89 1/1 pp. 24, 26 pars. 4, 13.]
18. Mendahki Pwuhk Sarawi mahsanih me Sohp wia aramas me “mwahu oh pwung,” iaduwen pwuhken Sohp kin kasalehda me met sohte wehwehki me Sohp wia aramas unsek? (Sohp 1:8, NW) [w98 5/1 p. 31 par. 1]
19. Iaduwen kitail kak kasalehda me kitail “nantihong” papah Siohwa? (Luk 13:24) [w98 6/15 p. 31 pars. 1, 4]
20. Ahnsou me kitail pahn doadoahk rehn mehteikan, kitail kak tamataman duwen mehn kasukuhl dahieu me sansal nan 2 Samuel 12:26-28? [Wadawad en Paipel erein wihk; kilang w93 12/1 p. 19 par. 19.]
Ntingihdi lepin lokaia de lepin lokaia kan me konehng pwehn kaunsekehla koasoio pwon:
21. Kadeik laud me Siohwa wia ong kaudok en Paal pahn kamwekid kitail en liksang _________________________ , _________________________ , oh _________________________ . (Sounkopwung 2:11-18) [si p. 50 par. 26]
22. Ni mwehin Samuel, irail me wia_________________________ sohlahr kaweidih Israel, ahpw, irail me wia _________________________ uhd kin kaunda Israel ahpw met kahrehong irail en sohla kenikenla rehn Siohwa. [si p. 53 par. 1]
23. Mwar sarawi, Siohwa, kin wehwehki “ _________________________ ” oh met kin kasalehda me Siohwa pahn wia soahng koaros pwe _________________________ en kak pweida. [w98 5/1 p. 5 par. 3]
24. Ilai sohte pweida nan eh mour pwehki e ________________________ en mwekid oh Sohl sohte pweida nan eh mour pwe e mwekid _________________________ . [si p. 57 par. 27]
25. Sapwellimen Sises karasaras duwen ohlen Samaria kadek men kin kasalehda me emen me pwung kin kaidehn ihte peikiong sapwellimen Koht _________________________ ahpw, e pil kin kahlemengih sapwellime _________________________ . (Luk 10:29-37) [w98 7/1 p. 31 par. 2]
Pilada pasapeng pwung nan ehu ehu sentence kan:
26. Sapwellimen Siohwa irair en (erpit; manaman; limpoak) kin sansal sang ahnsou me e pilada lihen Mohap me ede (Rud; Naomi; Orpa), me mahso kin kaudokiong (Paal; Kemos; Dakon), ahpw kin uhd wekiong kaudokiong Siohwa oh mwuhr, e wiahla nohno kahlap en Sises Krais. (Madiu 1:3, 5, 16) [si p. 51 par. 1]
27. Ahnsoun sounkopwung kan arail kin kaweidih mehn Israel kan uhdi ahnsou me (Samuel; Depit; Sohl) tepida kaun nin duwen nanmwarki me idihdada oh, mwurinte mwo, mehn Israel kan kalowehdi (mehn Ammon kan; mehn Mohap kan; mehn Pilisdia kan) ki sawas sang Siohwa. (1 Sam. 11:6, 11) [Wadawad en Paipel erein wihk; kilang w95 12/15 p. 9 par. 2–p. 10 par. 1.]
28. (Wahnpoaron Pohl; ahn Timoty pahpa; ahn Timoty nohno oh nohno kahlap) me kasukuhlih Timoty pwehn wehwehki “Pwuhk Sarawi” oh pwehki ara padahkih Timoty ni ahl mwahu, e wiahla misineri oh elder mwahu men. (2 Tim. 3:14, 15; Pilipai 2:19-22) [w98 5/15 p. 8 par. 3–p. 9 par. 5]
29. Ni en (Depit; Samuel; Sonadan) kin papah Siohwa sang ahnsou me e tikitik kin kangoange me pwulopwul kan en pil papah Siohwa rahnwet, oh e nantihong papah Siohwa lao lel e mehla pahn kangoange irail me mah kan en pil kahlemengih ih mendahki soumwahu kan oh kahpwal kan kin lelohng irail. [si p. 58 par. 30]
30. Pwuhken 2 Samuel kin kawehwehda dahme wiawi nanpwungen pahr (1077 lel mpen pahr 1040; 1077 lel mpen pahr 1037; 1070 lel mpen pahr 1040) B.C.E. [si p. 59 par. 3]
Pilada mehnia iren Paipel me pahn pahrekiong sentence kan: Sounkopwung 11:30, 31; 1 Sam. 15:22; 30:24, 25; 2 Nanmwarki 6:15-17; Seims 5:11
31. Siohwa kin kasalehda mehn kamehlel me e kin doadoahngki sapwellime karis en sounpei en nanleng pwehn pere sapwellime aramas akan me kin wia kupwure. [w98 4/15 p. 29 par. 5]
32. Sounapwalih kan en mwomwohdiso pwukoahki kolokol arail inou kan mendahki ekei pak e pahn apwal en kolokol de kak pil kahrehda pwain mwohni laud pwehn kolokol arail inou. [w99 9/15 p. 10 pars. 3-4]
33. Kolokol atail lelepek mendahki kalokolok kin kahrehong kitail en ale kapai tohto sang Siohwa Koht. [w98 5/1 p. 31 par. 4]
34. Ma kitail uhdahn limpoak ong Koht, kitail pahn peikiong sapwellime kosonned akan oh kaidehn ihte wia meirong kan ong Ih. [Wadawad en Paipel erein wihk; kilang w96 6/15 p. 5 par. 1.]
35. Siohwa kin kasalehda me e inenen kalahnganki irail me kin wia pwukoah kan me kin utungada sapwellime pwihn rahnwet. [Wadawad en Paipel erein wihko; kilang w86 9/1 p. 28 par. 4.]