Kousapahl En Theocratic Ministry Sukuhl
Kousapahl wet me pid padahk kan me kitail sukuhlikier nan Theocratic Ministry Sukuhl erein wihk en January 1 lel April 23, 2001. Doadoahngki ehu doaropwe tohrohr pwehn ntingihdi pasapeng kan uwen me ke kak erein ahnsou me mweimweiong.
[Tehk kanahieng: Ahnsou me kousapahl pahn wiawi, kitail kak doadoahngkihte neitail Pwuhk Sarawi. Reference kan me ntingdi mwurin peidek kan kak kadoadoahk ni pein atail ahnsou. Me pid reference en The Watchtower, pali oh parakrap kan sohte kin kileledi ahnsou koaros.]
Ke pahn sapeng Pwung de Sapwung:
1. Mendahki kitail sohte pahn mweidohng atail pepehm kan en kahrehda kitail sohte pahn kasalehda dihp laud kan me kitail ese, kitail kak kahlemengih mehn kahlemeng mwahu en Sosep ni eh mahk ong emen me wia dihp ong kitail ahpw me kin koluhla mehlel. (Sen. 42:21; 45:4, 5) [w99 1/1 p. 31 pars. 2-3]
2. Likin ire kan me koasoia irekidien kadaudok kan, 1 Kronikel kin pwurehng kasalehda duwen dahme ntingdi nan pwuhk kan en Samuel oh Nanmwarki. [si p. 75 par. 1]
3. Paipel kin koasoiahki emente me wia “imwintihti en Krais,” oh e pahn pwarada ehu rahn. [rs p. 32]
4. E sansal me Sises kin sapwellimaniki lamalam karakarahk pwe e kohdihdo sampah sang nanleng oh wia aramasala, mendahkihte ma e mi nan dehu ehu me mi pahnangin tohnleng kan. (Pilipai 2:5-8; Ipru 2:7) [w99 2/1 p. 6 par. 3]
5. Poadoapoad en aramas oh dahme re kin diar ahnsou me re kin weirada pwehl en wasao kin kasalehda me Sisak kalowehdi Suda oh kihsang “dipwisou kesempwal akan en nan Tehnpas Sarawio oh sang nan tehnpas en nanmwarkio.” (2 Kronikel 12:9) [Wadawad en Paipel erein wihk; kilang w88 2/1 p. 26 par. 4.]
6. Kristian kan en keieun senturi sohte kin papidais seri pwelel kan. [rs p. 55]
7. Kitail en papah Koht oh dehr kasikasik me Koht pahn katingih irail me kin pwoson. [w99 4/15 p. 16 par. 1]
8. Ni en Depit koasoiahki duwen “sapwellimen Siohwa wiewia kan” me ntingdi nan Melkahka 103:2, Depit kin medemedewe sapwellimen Siohwa kapikapikda kan me kin sansal. [w99 5/15 p. 21 pars. 5-6]
9. Tehnpas Sarawi kan me Solomon, Serupapel, oh Erod wiahdahr, iangahki impwal me Moses wiahda, kin mwete soahng teieu. [si p. 87 par. 16]
10. Irekidien kadaudok kan me dierekda nan 1 Kronikel sohte kin wia katep laud ong irail me kin mihmi nan tepin mwomwohdiso en Kristian. [si p. 78 par. 23]
Wia ahmw pasapeng ong peidek pwukat:
11. Dahme kahrehda Siohwa kadeikada laud Eihap oh eh peneinei? (1 Nan. 16:31; 2 Nan. 9:7, 26) [si p. 74 par. 34]
12. Nin duwen Madiu 24:45-51 kin kasalehda, dahme irail me kin lahlahwe padahk mehlel kin wia? [rs p. 35]
13. Dahme kitail kak sukuhliki sang Nanmwarki en Suda Usaia? (2 Kronikel 26:15-21) [Wadawad en Paipel erein wihk; kilang w99 12/1 p. 26 pars. 1-2.]
14. Ni ahnsou me Sises wuden patehnehn sapwellime wahnpoaron kan, e sohte wia met pwehn wiahda tiahk ehu me aramas anahne daur, ahpw e wia met pwehn wia mehn kasukuhl dahieu ong kitail? (Sohn 13:4, 5) [w99 3/1 p. 31 par. 1]
15. Dahme kahrehda irail me kin mihmi ni mwehin Aiseia anahne tehk dahme 1 Kronikel 14:8-17 kin mahsanih, oh dahme kahrehda irail me mihmi nan Kristendom rahnwet pil anahne tehk iren Paipel pwukat? (Aiseia 28:21) [Wadawad en Paipel erein wihk; kilang w91 6/1 p. 21 pars. 2-3.]
16. Dahme kahrehda mehn Israel tohto men kaudokiong Paal? [w99 4/1 p. 29 pars. 3-6]
17. Dahme kitail kak sukuhliki sang sapwellimen Esekaia doadoahk pwehn pere oh kalaudehla pihl nan Serusalem? (2 Kronikel 32:3, 4) [Wadawad en Paipel erein wihk; kilang w96 8/15 p. 6 pars. 1-2.]
18. Iaduwen mehn kahlemeng mwahu en Sosaia kangoange me pwulopwul kan rahnwet pwehn papah Koht oh pil en dehr iang soahng koaros me pid kaudok likamw? (2 Kronikel 34:3, 8, 33) [Wadawad en Paipel en wihk; kilang w90 8/1 p. 5 par. 2.]
19. Irail koaros mehn Suhs kan me mihmihte nan Papilon kin wia aramas salelepek kei, oh dahme kitail kak sukuhliki sang met? (Esra 1:3-6) [Wadawad en Paipel erein wihk; kilang w86 1/15 p. 8 pars. 4, 7.]
20. Nan 2 Kronikel 5:13, 14, dahme kin kasalehda me Siohwa karonge koul kaping kan en sapwellime aramas akan oh E kupwurperenki met? [Wadawad en Paipel erein wihk; kilang w94 5/1 p. 10 par. 7.]
Ntingihdi lepin lokaia de lepin lokaia kan me konehng pwehn kaunsekehla koasoio pwon:
21. Ma emen pahn kaweidih rie Kristian, e kesempwal dahme e pahn nda pahn poahsoankihda _________________________ me kohsang rehn Koht, kaidehn _________________________ oh _________________________ me kohsang aramas. (Kol. 2:8) [w99 1/15 p. 22 par. 1]
22. Kitail sohte kak _________________________ nan mahwen en _________________________ . (Madiu 12:30; 2 Deselonika 1:8) [rs p. 48]
23. Duwehte dihpw tekatek ko me kin kasokehla kisin weren tuhke kan en kekeirada mwahu oh laudla, _________________________ daulihla oh pil ineng en men _________________________ kak kahrehda emen en sohte kak kekeirada ni pali ngehn oh wiahla emen me mah ni pali ngehn. (Madiu 13:19, 22) [w99 3/15 p. 22 par. 5]
24. Dahme Pohl mahsanih nan 1 Korint 15:29: “papidaisla pwehn wiahla me mehlahr kan” kin wehwehki mourki mour ieu me pahn kahrehong _________________________ duwehte Krais oh mwurin mwo re pahn _________________________ oh wiahla ngehn duwehte pil Sises. [rs p. 57]
25. Ma emen Kristian men pweida mwahu oh sohte duwehte Solomon me sohte pweida, e sohte pahn papah Siohwa _________________________ de _________________________ oh kapwaiada sapwellimen _________________________ mahsen en ‘poakohng Siohwa ni mohngiong unsek.’ (Madiu 22:37; 1 Kronikel 28:9) [Wadawad en Paipel erein wihk; kilang w86 6/1 p. 19 pars. 17-18.]
Pilada pasapeng pwung nan ehu ehu sentence kan:
26. Pwuhken 2 Nanmwarki 17:5, 6 kin kasalehda me (Tiglath-pileser; Salmaneser V; Esar-haddon) kalowehdi wehin Israel en keinek eisek en paliepeng oh pil mahweniong Sameria ni erein sounpahr siluh, oh mwurin mwo, mehn Asiria kan kalowehdi Sameria nan (740; 607; 537) B.C.E. [Wadawad en Paipel erein wihk; kilang w88 2/15 p. 27 par. 1.]
27. Ni ahnsou me 2 Nanmwarki irelaud 25 kin kawehwe duwen dahme wiawi nan Serusalem mwurin mehn Israel ko kalipilipala nan Papilon, e likamwete kin kasalehda me (Daniel; Esekiel; Seremaia) me ntingihdi pwuhken 2 Nanmwarki oh pil kin kasalehda me nting en pwuhk wet kaimwisekla mpen pahr (580; 537; 455) B.C.E. (2 Nan. 25:27) [Wadawad en Paipel erein wihk; kilang si p. 64 par. 3.]
28. Nin duwen dahme Eksodus 4:11 kin kasalehda: Siohwa Koht kin ‘wiahda ewen aramas, kalohtengihala oh kasalengoponehla aramas, wiahiong mesen aramas pwe en kilang wasa oh kamaskunihala aramas’ oh met kin wehwehki me (Ih me kin kahrehong aramas en lelohng soumwahu pwukat; E kin kihong soangsoangen aramas akan arail pwais akan me pid pwukoa kan nan mwomwohdiso; E kin mweidohng soangen soumwahu kan en sansalda rehn aramas akan). [w99 5/1 p. 28 par. 2]
29. Sounpahr 70 me 2 Kronikel 36:17-23 kin kasalehda kin imwisekla nan pahr (537; 607; 677) B.C.E. [si p. 84 par. 35]
30. Kasarawi en ipwidi riaute me ntingdi nan Pwuhk Sarawi oh nting pwukat kin kasalehda me (e mwahu dahme wiawi ahnsou pwuko oh met wehwehki me e mwahu en wia kasarawi en ipwidi; e suwed dahme wiawi ahnsou pwuko oh met wehwehki me e suwed en wia kasarawi en ipwidi; e sohte kin kasalehda ma kitail en wia kasarawi en ipwidi de soh). (Sen. 40:20-22; Madiu 14:6-10) [rs p. 68]
Pilada mehnia iren Paipel me pahn pahrekiong sentence kan: Eksodus 21:22, 23; Lepin Padahk 25:11; Rom 12:2; 2 Piter 3:15, 16; Kaudiahl 16:13, 14
31. Kitail anahne nantihong en kawilikapwala loalatail kan and audehkihda atail madamadau kan padahk mehlel. [w99 4/1 p. 22 par. 2]
32. Ni ahnsou me emen pahn kihong emen kaweid, e anahne pilada mwahu dahme e pahn nda. [w99 1/15 p. 23 par. 1]
33. Siohwa kasalehda me emen pahn pwukoahki ma e kauwehla seri me mihmi nan kapehden nohno. [rs p. 25]
34. Sehdan me Tepil kin kahrehong wehi kan en sampah en miniminpene oh lelohng nan irair ehu me pahn pid sampah pwon oh me pahn imwikihla mahweniong Koht. [rs p. 48]
35. Kawehwe iren Paipel kan pwehn pahrekiong pein atail madamadau kan oh dahme pein kitail kin kamehlele kak imwila suwed. [rs p. 65]