Neitail Pwuhk kan, Brochure kan, Makisihn kan oh Tract kan kin Kesempwal
1 Pwuhk kan, brochure kan, makisihn kan oh tract kan me Watchtower Society kin wiahda kin inenen kesempwal pwe pwuhk pwukat kin audaudki mwengehn ngehn me kak kihong kitail mour. Pwuhk pwukat kin sewese irail me kin perenki rong en esehla Siohwa, oh pil re kin kakehlailih pwoson en irail sapwellimen Siohwa ladu kan me inoukihongehr Siohwa arail mour.
2 Se men kihong meteikan neitail pwuhk, brochure, makisihn oh tract kan pwe kitail wehwehki me re pahn paiekihda laud sang arail wadek pwuhk pwukat. Ahpw, mendahki kitail kin kihong aramas neitail pwuhk, brochure, makisihn oh tract kan ni sohte isepe, Society anahne pwain soahng kan pwehn wiahda pwuhk pwukat oh pil re anahne pwain posto pwe ren kadarpeseng wasa koaros nan sampah. Ihme kahrehda, kitail sohte men kihla mwahl neitail pwuhk, brochure, makisihn oh tract kan. Kitail anahne pwurala rehn aramas koaros me kin ale neitail pwuhk, brochure, makisihn oh tract kan.
3 Ekei sounkalohk kan kin pweiek en nda me kitail kin ale sawas sang aramas akan pwehn sewese doadoahk en kalohk, ahpw met kin kasalehda me kitail sohte wia duwehte pisnis kan me kin netkihla pwuhk, brochure, makisihn kan. E kin sewese kitail en kasalehda me kitail uhdahn nsenohki aramas akan. Kitail kak tamataman me pali laud en aramas—mie neirail mwohni en pwainda soahng kan duwehte sika oh pwuhk de makisihn en sampah kan. Eri, ma kitail pahn kasalehda duwen koasoandi en sawas pwehn utungada doadoahk en kalohk, tohnihmw tohto kin perenki kihda arail sawas oh re kin wehwehki me e kesempwal en kihda arail sawas ni ahl wet pwehn kasalehda arail utungada doadoahk en Kristian mehlel kan. Oh pil, ni atail kin kawehwe ong tohnihmwo duwen koasoandi en sawas, kitail kin kasalehda pein atail kalahnganki neitail pwuhk, brochure, makisihn oh tract kan.