Kousapahl En Theocratic Ministry Sukuhl
Kousapahl wet me pid padahk kan me kitail sukuhlikier nan Theocratic Ministry Sukuhl erein wihk en May 7 lel August 20, 2001. Doadoahngki ehu doaropwe tohrohr pwehn ntingihdi pasapeng kan uwen me ke kak erein ahnsou me mweimweiong.
[Tehk kanahieng: Ahnsou me kousapahl pahn wiawi, kitail kak doadoahngkihte neitail Pwuhk Sarawi. Reference kan me ntingdi mwurin peidek kan kak kadoadoahk ni pein atail ahnsou. Me pid reference en The Watchtower, pali oh parakrap kan sohte kin kileledi ahnsou koaros.]
Ke pahn sapeng Pwung de Sapwung:
1. Kapakap me Nehmaia wia me kileledi nan Nehmaia 2:4 kin kasalehda me Nehmaia sohla eh koapworopwor. [Wadawad en Paipel erein wihk; kilang w86 2/15 p. 25 par. 8.]
2. Lepin lokaia “mwomwohdiso” me kawehwehdi sang lepin lokaiahn Krihk ek·kle·siʹa kin pil wehwehki pwihn ehu me kin miniminpene oh tohnmwomwohdiso kin utungada oh sewese tohnmwomwohdiso teikan. [w99 5/15 p. 25 par. 4]
3. Mendahki sapwellimen Siohwa ladu kan kin liksang ekei tiahk kan me kin pid mehla me kin uhwong Mahsen en Koht, re sohte kin liksang tiahk koaros me kin pid mehla. (Sohn 19:40) [rs p. 102 par. 4]
4. Ni mwehin Sohp, ihte Sohp me wia aramas emen me momour ahnsowo me lelepek ong Siohwa. (Sohp 1:8) [Wadawad en Paipel erein wihk; kilang w92 8/1 p. 31 pars. 3-4.]
5. Ire mehlelo me Sohl, de Pohl, kin wiahda ihmw likou oh netikihla pwehn pwainda ah anahn akan kin kasalehda me e kohsang peneinei ehu me semwehmwe. (Wiewia 18:2, 3) [w99 5/15 p. 30 par. 2–p. 31 par. 1]
6. Mendahki Depit wiadahr ekei dihp laud nan eh mour, Siohwa kak mahsanih me Depit kin “uhdahn loalopwoat ong Ih, peikiong Ih oh kin kapwaiada dahme E kin koasoanehdi” pwehki Depit koluhkihla dihp kan me e wiahdahr oh e kin kasalehda irair mwahu kan. (1 Nanmwarki 14:8) [w99 6/15 p. 11 par. 4]
7. Kitail en wia uwen me kitail kak en kapwaiada inou kan me kitail wiahda, mehnda ma mwuhr kitail diarada me e apwal, ahpw ihte ma kitail inoukihda mehkot me kin kauwehla kosonned en Koht, eri kitail en dehr kapwaiada soangen inou pwukat. (Mel. 15:4) [Wadawad en Paipel erein wihk; kilang w89 9/15 p. 28 par. 5.]
8. Melkahka 22:1 kin kasalehda me Depit kesehla eh pwoson ahnsou me e lelohng kahpwal. [Wadawad en Paipel erein wihk; kilang w86 8/15 p. 20 par. 19.]
9. Emen Kristian kakete “pwupwudi” ni e pahn lelohng kahpwal, de soahng kan me kansensuwed, de soahng kan me kin pid duwen nah mwohni de kosonned, ahpw e pahn kak ale sawas sang rehn sapwellimen Koht ngehn sarawi oh sapwellime aramas akan oh pwehki soangen sawas pwukat, e sohte pahn “wonohnte nanpwel” ni pali ngehn. (Mel. 37:23, 24) [Wadawad en Paipel erein wihk; kilang w86 11/1 p. 30 par. 14.]
10. Senesis irelaud 1 kin padahkiong kitail me Koht kapikada sampah erein rahn weneu oh ehu ehu rahn pwukat reireiki awa 24. [rs p. 126 par. 1]
Wia ahmw pasapeng ong peidek pwukat:
11. Iaduwen Esra oh sounsawas kan ‘kawehwe’ Kosonnedo? (Neh. 8:8) [Wadawad en Paipel erein wihk; kilang w86 2/15 p. 26 par. 4.]
12. “Peren me Siohwa kin ketikihong aramas” kin imwikihla dah? (Neh. 8:10) [Wadawad en Paipel erein wihk; kilang w86 2/15 p. 26 par. 9.]
13. Dahme kahrehda irail me “sang ni pein nsenarail pilada en kousoan Serusalem” ale kapai kan? (Neh. 11:2) [Wadawad en Paipel erein wihk; kilang w86 2/15 p. 26 par. 12.]
14. Dahme kahrehda Ester sohte mwadang kasalehong nanmwarkio duwen dahme e men pekihda? (Ester 5:6-8) [Wadawad en Paipel erein wihk; kilang w86 3/15 p. 24 par. 18.]
15. Peidek kesempwal riau dah kan me pasapengla nan pwuhken Sohp? [si p. 95 par. 1]
16. Dahme kahrehda kaweid en Elipas kin kansensuwedihala Sohp oh e sohte kangoange Sohp? (Sohp 21:34; 22:2, 3) [Wadawad en Paipel erein wihk; kilang w95 2/15 p. 27 pars. 5-6.]
17. Ia wehwehn melkahka (psalm)? [si p. 101 par. 2]
18. Wehi kan kin “koasokoasoia” duwen dahkot me “sohte katepe” nin duwen dahme ntingihdi nan Melkahka 2:1? [Wadawad en Paipel erein wihk; kilang w86 8/15 p. 20 par. 5.]
19. Dahme kitail kak sukuhliki sang en Pilip a kalohk ong mehn Samaria ko oh pil ohlen Idiopia me kasalehda me kitail en dehr lipilipilki aramas? (Wiewia 8:6-13, 26-39) [w99 7/15 p. 25 par. 2]
20. Iaduwen Sohp a karasaraski me e kamehlele me Koht pahn kaiasada ih sang nan sousou, oh e kin kamehlele me Koht kin nekidala sang eh kahpwal kan nan sousou? (Sohp 14:7, 13-15) [Wadawad en Paipel erein wihk; kilang w00 5/15 p. 27 par. 7–p. 28 par. 1.]
Ntingihdi lepin lokaia de lepin lokaia kan me konehng pwehn kaunsekehla koasoio pwon:
21. Ester 8:17 (New World Translation) kin kasalehda me aramas akan “iangala pelien lamalam en mehn Suhs”; eri, e pil duwehte rahnwet, “ _________________________ ” en “sihpw teikan” kin ieiang _________________________ . (Kaud. 7:9; Sohn 10:16; Sek. 8:23) [Wadawad en Paipel erein wihk; kilang w86 3/15 p. 25 par. 14.]
22. Nin duwen dahme Wiewia 1:7 kin kasalehda, mendahki Siohwa kin mwahngih soahng koaros me pid duwen sapwellime _________________________ , Rahnen Kadeik pahn leledo duwehte _________________________ , ahnsou me aramas akan sohte kasik me e pahn leledo. (2 Pit. 3:10) [w99 6/1 p. 5 pars. 2-3]
23. Nan 2 Piter 3:7, 10, lepin lokaia kan: “nanleng” oh “sampah” kin wia _________________________ ; oh ma ke pahn wadek irelaud 3 pwon, ke pahn kilang me “sampah” kin wehwehki _________________________ . [rs p. 114 pars. 2-4]
24. Kapehse mwahu kin wiawi ma mie likilik oh wehwe mwahu nanpwungen pwopwoud, oh irair pwukat kin kak pweida ma ohlo oh liho pahn kilangwong arail pwopwoud nin duwen koasoandi me _________________________ oh ira koaros anahne ahneki pepehm me _________________________ pwe ara pwopwoud en kak pweida. [w99 7/15 p. 21 par. 3]
25. Miniminiong oh werekiong aramas mwahu kin kak sewese kitail en _________________________ nan atail mour kosonned kan me pid duwen tiahk oh pil atail pali ngehn oh mehpwukat kin sewese kitail en papah Siohwa sang nan _________________________ . [w99 8/1 p. 24 par. 3]
Pilada pasapeng pwung nan ehu ehu sentence kan:
26. Ahnsou me Pwuhk Sarawi kin koasoia me Mordekai kin “mwomwohd nan tehnpas en nanmwarkio” e kin wehwehki me Mordekai kin wia (sounsilepen nanmwarki; emen me lapalap pahnangin Nanmwarki Serksihs; e men tuhwong nanmwarki). (Ester 2:19, 20, NW) [Wadawad en Paipel erein wihk; kilang w86 3/15 p. 24 par. 9.]
27. Nan pwuhken Sohp 19:25-27, Sohp kasalehda eh pwoson ni e mahsanih me e pahn “kilangki pein pwoaren mesei kat Koht” oh met wehwehki me (Koht pahn kapaiada ih oh Sohp pahn kilang kaudiahl ehu; Sohp pahn iasada oh mour nanleng; mesen Sohp pahn pehdpeseng pwehn kak kilang padahk mehlel me pid Siohwa). [Wadawad en Paipel erein wihk; kilang w94 11/15 p. 19 par. 17.]
28. Pali laud en aramas kin tamanda me Sohp kin wia ohl (limpoak; kadek; kanengamah) men. (Seims 5:11) [si p. 100 par. 41]
29. Pwuhken Melkahka ntingdi erein sounpahr (silipwiki; limepwiki; kid). [si p. 101 par. 4]
30. (Depit; Asap; Esra) me kihpene melkahka kan nan pwuhken Melkahka ni imwin kihpenehn pwuhko. [si p. 102 par. 6]
Pilada mehnia iren Paipel me pahn pahrekiong sentence kan: Neh. 3:5; Mel. 12:2; 19:7; 2 Tim. 3:16, 17; Seims 5:14-16
31. Kitail en ahneki peren ni atail pahn doadoahngki atail kehl oh doadoahk laud, oh kitail en dehr ahneki pepehm me kitail mwahu sang meteikan oh sohte kak doadoahk laud. [Wadawad en Paipel erein wihk; kilang w86 2/15 p. 25 pars. 12, 19.]
32. Emen Kristian me wiahdahr dihp laud anahne wehk ong elder sapwung kan me e wia. [rs p. 83 par. 9]
33. Mahs Koht kin doadoahngki kaudiahl kan pwehn kaweid, padahk oh kokohp ong sapwellime aramas akan, ahpw met E kin kihda dahme kitail anahne pwehn ale komourpatail sang nan sapwellime Mahsen, Pwuhk Sarawi. [rs p. 106 par. 2]
34. Ma kitail men kompoakepahnki Koht, kitail anahne wia aramas mehlel kei, kaidehn aramas mwalaun kei. [Wadawad en Paipel erein wihk; kilang w89 9/15 p. 26 par. 7.]
35. Ma kitail pahn peikiong sapwellimen Koht kosonned akan, e pahn pwurehng kakehlahda kitail oh sewese kitail pwe kitail en kak nsenamwahu. [Wadawad en Paipel erein wihk; kilang w00 10/1 p. 13 par. 4.]