Kousapahl En Theocratic Ministry Sukuhl

Kousapahl wet me pid padahk kan me kitail sukuhlikier nan Theocratic Ministry Sukuhl erein wihk en January 7 lel April 22, 2002. Doadoahngki ehu doaropwe tohrohr pwehn ntingihdi pasapeng kan uwen me ke kak erein ahnsou me mweimweiong.

[Tehk kanahieng: Ahnsou me kousapahl pahn wiawi, kitail kak doadoahngkihte neitail Pwuhk Sarawi. Reference kan me ntingdi mwurin peidek kan kak kadoadoahk ni pein atail ahnsou. Me pid reference kan en The Watchtower, pali oh parakrap kan sohte kin kileledi ahnsou koaros.]

Ke pahn sapeng Pwung de Sapwung:

1. Nan Eklesiasdes 2:​2, ire kesempwal me Solomon men kasalehda iei me kitail anahne liksang kouruhr oh peren. [Wadawad en Paipel erein wihk; kilang w87 9/15 p. 24 par. 5.]

2. Pwuhken Eklesiasdes sohte kin wia pwuhk me dirkihla madamadau kan me soahng tohto nan mour sohte kin pweida mwahu, ahpw, e kin wia pwuhk me audaudkihda padahk mehlel oh kesempwal kan me kin kasalehda sapwellimen Koht erpit oh pil pwuhk wet kin kasalehda me wiewia kan en irail me kin pohnsehse Koht sohte pahn kak pweida. [si p. 114 par. 15]

3. Nan Aiseia 1:​7, soukohp Aiseia kin koasoiada duwen ohlahn Suda ni ahnsou me Nanmwarki Ahas wie kakaun. [Wadawad en Paipel erein wihk; kilang ip-1 p. 17 par. 16.]

4. Kaudiahl 7:9 kin kasalehda me mie pwihn ieu me “uh mwohn mwoahlo oh mwohn Sihmpwulo” oh met kin wehwehki me pwihno kin mihmi nanleng. [rs p. 167 par. 5]

5. Ma kitail ‘wauneki Siohwa’ ni atail men sawaskihda atail ahnsou, koahiek, kehl, neitail mwohni oh dipwisou kan, kitail pahn ale kapai ngehnin tohto sang Siohwa. (Lepin Padahk 3:​9, 10) [w00 1/15 p. 25 par. 1]

6. Aiseia 28:21 kin mahsanih duwen ‘doadoahk ehu me kapwuriamwei oh ehu soahng’ oh kokohp wet pahn pweida ni ahnsou me wehi kan pahn kamakamala nan Armakedon. [Wadawad en Paipel erein wihk; kilang ip-1 p. 295 par. 16; p. 301 par. 28.]

7. Nin duwen Madiu 24:​38, 39 kin kasalehda, Nohlik en mwehin Noha kasohrala aramas akan pwehki re kin mwenge daulihla oh sakaula, iangahki wiewia teikan me aramas akan kin kalap wia. [w00 2/15 p. 6 par. 6]

8. Siohwa kin ahnsou koaros kapwaiada pekipek en aramas aktikitik me kin papah Ih ni limpoak. [w00 3/1 p. 4 par. 3]

9. “Wehi kan” nan Aiseia 60:3 kin wehwehki wehi kan en sampah me kin mwekidki marain me Koht kin ketikihda. [Wadawad en Paipel erein wihk; kilang w00 1/1 p. 12 par. 4.]

10. Siohwa “idihada” Seremaia mwohn e ipwidi oh met wehwehki me E koasoanehdi dahme pahn wiawi ong Seremaia erein eh mour. (Ser. 1:⁠5) [Wadawad en Paipel erein wihk; kilang w88 4/1 p. 10 par. 2.]

Wia ahmw pasapeng ong peidek pwukat:

11. Nan Eklesiasdes 11:​1, ia wehwehn ‘kihwei pilawa’? [Wadawad en Paipel erein wihk; kilang w87 9/15 p. 25 par. 11.]

12. Nan Aiseia 6:​8, ihs me Siohwa mahsanih ong ahnsou me E doadoahngki lepin mahsen “kita”? [Wadawad en Paipel erein wihk; kilang ip-1 pp. 93-4 par. 13.]

13. Iaduwen “marain lapalap ehu” dakada nan Kalili, pwe kokohp en Aiseia 9:2 pahn pweida? [Wadawad en Paipel erein wihk; kilang ip-1 p. 126 par. 17.]

14. Dahme wiawi nan atail ahnsou me pahrekiong ahnsou me Papilon pwupwudi nan 539 B.C.E. oh mwuri ahnsou me Papilon ohla douluhl? (Aiseia 13:​19, 20; 14:​22, 23) [Wadawad en Paipel erein wihk; kilang ip-1 p. 188 pars. 30-1.]

15. Iaduwen “ladu lelepek oh loalokong” wia “sounsilasil” nin duwen Aiseia 21:6 kasalehda? (Madiu 24:45) [Wadawad en Paipel erein wihk; kilang ip-1 pp. 221-2 par. 11.]

16. Nan Lepin Padahk 31:​10, kaweid erpit dahieu kohwong ohl pwulopwul men me rapahki eh pwoud? [w00 2/1 p. 31 par. 1]

17. Nan Aiseia 43:​9, dahme koht en wehi kan anahne kadehdehda? [Wadawad en Paipel erein wihk; kilang w88 2/1 p. 16 par. 3.]

18. Ni ahl dah neh kan en irail me kin wah Rongamwahu en Wehin Koht kin “mwomw mwahu”? (Aiseia 52:⁠7) [Wadawad en Paipel erein wihk; kilang w97 4/15 p. 27 par. 6.]

19. Dahme kitail anahne wia ma kitail sohte men pein mohngiongatail en pitih kitail? (Ser. 17:⁠9) [w00 3/1 p. 30 par. 4]

20. Dahme irail me kin ‘weweid nin duwen me Siohwa koasoanehdi ong irail’ pahn wia? (Ser. 7:​23) [Wadawad en Paipel erein wihk; kilang w99 8/15 p. 29 par. 6.]

Ntingihdi lepin lokaia de lepin lokaia kan me konehng pwehn kaunsekehla koasoio pwon:

21. “Mohngiong en me loalokong kan kin mih ni pali maun” oh ni wehwe wet “pali maun” kin wehwehki _________________________ ; kahrehda, met kin kasalehda me _________________________ kin kamwekid ih en rapahki irair mwahu oh keniken. (Ekl. 10:2; Madiu 25:33) [Wadawad en Paipel erein wihk; kilang w87 9/15 p. 25 par. 8.]

22. Iren mehn kasukuhl mwahu kan me kitail kak sukuhliki sang pwuhken Melkahkahn Solomon iei _________________________ , _________________________ , oh _________________________ ong mour en kaweid me kohsang Koht. [si p. 117 par. 16]

23. Wehio me kin wia sounpirap nan kahnimw kan en Suda me Aiseia 33:1 kin mahsanih iei wehin _________________________ , me pein ih imwikihla lohdi nan 632 B.C.E., oh pwilikihdi arail dipwisou kan ong tohn _________________________ me pahn uhd ‘rikpene duwehte kull.’ (Aiseia 33:​4) [Wadawad en Paipel erein wihk; kilang ip-1 p. 343 par. 4; p. 345 par. 6.]

24. Ma kitail pahn kapahrekihpene Aiseia 54:1 oh Kalesia 4:​26, 27, kitail pahn wehwehki me “lih emen me sohte nah seri” kin karasaiong “ _________________________ ”; oh “lih me eh pwoud sohte kesehla” kin karasaiong _________________________ . [Wadawad en Paipel erein wihk; kilang w95 8/1 p. 11 par. 8.]

25. Ni ahnsou me kitail kin lelohng uhwong de aramas kin kauwe kitail nan atail doadoahk en kalohk, kitail anahne tamanda me, ni mehlel, aramas sohte uhwong _________________________ , ahpw, re kin uhwong _________________________ , me kin wia Utupen rohng me kitail kin weuwaseli. (2 Kor. 4:​1, 7) [w00 1/15 p. 21 par. 2]

Pilada pasapeng pwung nan ehu ehu sentence kan:

26. Ni ahnsou me Pohl ntingihdi duwen kaudiahl me e kilang me pid sapwellimen Sises lingan en nanleng, e mahsanih me e duwehte “seri men me ipwidi ni kaidehn uhdahn ahnsoun eh ipwidi” oh met wehwehki me (e ahpwtehn ipwikihdi ngehn; e alehier pwukoa ieu mwowe en wia wahnpoaron ong wehi kan; e duwehte e kohwong ih wahu en ipwidi, de iasada, ong mour nanleng mwohn uhdahn eh ahnsoun ipwidi). (1 Kor. 9:1; 15:⁠8) [w00 1/15 p. 29 par. 6]

27. Daidelo “Sahm Poatopoat” kin wehwehki me Mesaia nin duwen Nanmwarki en Wehin Koht pahn sapwellimaniki manaman en kihong aramas akan (kehl ni pali ngehn; mour soutuk nanleng; koapworopwor en ale mour soutuk nan sampah). (Aiseia 9:6; Sohn 11:​25, 26) [Wadawad en Paipel erein wihk; kilang ip-1 p. 131 par. 26.]

28. Kokohp me mihmi nan Aiseia 66:7 pweida nan atail ahnsou, oh “kisin pwutak” me ipwidi kin karasaiong (Sises Krais; Wehin Mesaia; wehi ngehnin ieu me tepida nan pahr 1919). [Wadawad en Paipel erein wihk; kilang w95 1/1 p. 11 par. 3.]

29. Ma ke pahn wadek kanahieng Madiu 10:​28, ke pahn kilang me Gehenna kin wehwehki (wasahn kalokolok en aramas memour; mehla soutuk; irair en dohsang Koht). [rs p. 173 par. 3]

30. Kokohp en Seremaia 7:28 pweida nan atail ahnsou pwe “irail me ar wehi solahr peikiong kapitien Siohwa,” kin wehwehki (Papilon Lapalap; Kristendom; wehio me keisuhn kaunda sampah pwon). [Wadawad en Paipel erein wihk; kilang w88 4/1 p. 18 par. 10.]

Pilada mehnia iren Paipel me pahn pahrekiong sentence kan: Lepin Padahk 24:16; Eklesiasdes 3:​11; Aiseia 40:8; Rom 10:15; 1 Pit. 4:6

31. Ni sapwellime ahnsou me konehng, Siohwa pahn kasalehda kahrepen sapwellime doadoahk wiawihda. [Wadawad en Paipel erein wihk; kilang w87 9/15 p. 24 par. 8.]

32. Doadoahk en kalohki Rongamwahu en Wehin Koht ong irail me mehlahr ni pali ngehn kin kihong irail ahnsou mwahu en koluhla. [rs p. 163 par. 5]

33. Mendahki aramas me kin mourki kupwuren Koht pahn lelohng kahpwal akan en mour, e sohte pahn uhdi sang eh wiewia dahme mwahu. [w00 2/1 p. 5 par. 1]

34. Mahsen en Koht, iangahki kupwuren Koht me sansalda wasao, uhdahn pahn pweida. [Wadawad en Paipel erein wihk; kilang ip-1 pp. 401-2 par. 10.]

35. Sapwellimen Sises wahnpoaron kan kin doadoahngki mwahu dahme Aiseia kin kohpada oh mahsanih ahnsou me re kin kalohk. [si p. 123 par. 37]