Kousapahl En Theocratic Ministry Sukuhl

Kousapahl wet me pid padahk kan me kitail sukuhlikier nan Theocratic Ministry Sukuhl erein wihk en May 6 lel August 19, 2002. Doadoahngki ehu doaropwe tohrohr pwehn ntingihdi pasapeng kan uwen me ke kak erein ahnsou me mweimweiong.

[Tehk kanahieng: Ahnsou me kousapahl pahn wiawi, kitail kak doadoahngkihte neitail Pwuhk Sarawi. Reference kan me ntingdi mwurin peidek kan kak kadoadoahk ni pein atail ahnsou. Me pid reference kan en The Watchtower, pali oh parakrap kan sohte kin kileledi ahnsou koaros.]

Ke pahn sapeng Pwung de Sapwung:

1. Seremaia 18:​1-6 kin kasalehda me Siohwa kin kahrehong aramas en kauwehla pein arail koasoandi de nsenarail. [Wadawad en Paipel erein wihk; kilang w99 4/1 p. 22 pars. 3-4.]

2. Soukohp likamw kan kin “pirap” ni arail kin ale arail lokaia oh lohkihda dene en Koht mahsen oh ni ahl wet re kihsang manaman me kohsang rong uhdahn mahsen en Koht oh mwekidki oh re pil kin kangoange aramas en rong likamw kan oh sohte rong mahsen en Koht me mehlel. (Ser. 23:30) [Wadawad en Paipel erein wihk; kilang w92 2/1 p. 4 par. 3.]

3. Nan Seremaia 25:15, 16, “dahl en wain me audaudkidahr engieng” me kin kahrehong “wehi koaros . . . en duwehte aramas sahliel” kin wehwehki dahme kaudok likamw kin wia ong aramas iei arail mwekid duwehte aramas me sakaula. [Wadawad en Paipel erein wihk; kilang w94 3/1 p. 20 par. 13.]

4. Ma kitail pahn tehk kanahieng iaduwen Madiu doadoahngki kokohp en Seremaia, “sapwen imwintihti kan” kin wehwehki sapwen me mehlahr akan, oh ih wasao me seri kan me kamakamla ni mwehin Erod Lapalap mihmi ie oh re pahn pwurodo ni arail pahn iasada. (Ser. 31:15, 16; Madiu 2:​17, 18) [Wadawad en Paipel erein wihk; kilang w79 6/15 p. 19 par. 13.]

5. Seremaia 37:21 kin sewese kitail en kamehlele me Siohwa pahn sewese sapwellime ladu lelepek kan mendahki re kin lelohng ahnsou apwal akan. [Wadawad en Paipel erein wihk; kilang w97 9/15 p. 3 par. 4–​p. 4 par. 2.]

6. Pwuhken Koul Kedepwidepw kan kin kasalehda uwen pahtou laud me Nanmwarki en Papilon, Nepukadnesar, sapwellimaniki pwehki ohlahn Serusalem nan pahr 607 B.C.E. [si p. 130 par. 1]

7. Koul Kedepwidepw 5:7 kin kasalehda ni sansal me Siohwa kin kaloke seri kan pwehki dihp kan me arail pahpa/nohno wiahda. [Wadawad en Paipel erein wihk; kilang w88 9/1 p. 27 koakon.]

8. Kilel ni temwen aramas me Esekiel 9:4 kin koasoia wehwehki me loalokong kelehpw me anahne pwe aramaso en ale komour. [Wadawad en Paipel; kilang w88 9/15 p. 14 par. 18.]

9. “Kisakis kan me mih rehn ohl akan” me Episos 4:8 kin koasoia kin wehwehki Kristian elder kan, me idihddahki ngehn sarawi oh manaman kohwong irail pwehn apwalih riarail kan ni pali ngehn. (Wiewia 20:28) [w00 8/1 p. 6 par. 3]

10. Nan pweidahn kokohp en Esekiel irelaud 23 me pid atail ahnsou, Oh-olipah kin wehwehki pelien lamalam en Pros kan oh Oh-olah (rien Oh-olipah me laud) kin wehwehki pelien lamalam en Roman Catholic. [Wadawad en Paipel erein wihk; kilang w88 9/15 p. 21 par. 22.]

Wia ahmw pasapeng ong peidek pwukat:

11. Ihs irail soukohp silimen me inenen kesempwal nan ansoun apwal kan sang pahr 617 lel 607 B.C.E. (kaimwiseklahn ahnsowo iei pahr 607 B.C.E. me ohlahn Serusalem wiawi)? [si p. 133 par. 2]

12. Iaduwen kitail kak kasalehda atail kalahnganki oh wehwehki kesempwalpen meirong tomw en Krais, nin duwen me Luk 9:​23 kin kangoange kitail en wia? [w00 3/15 p. 8 par. 1]

13. Ni ahl dahieu Siohwa ‘liepehdi’ Seremaia? (Ser. 20:7) [Wadawad en Paipel erein wihk; kilang w89 5/1 p. 31 par. 6.]

14. Ia wehwehn sapwellimen Sises mahsen ni e mahsanih me ngehn sarawi “pahn kawehwehong kumwail mehkan koaros oh katamankin kumwail mehkoaros me I ndaiongkumwailehr”? (Sohn 14:26) [w00 4/1 p. 8 pars. 7-8]

15. Nin duwen dahme Seremaia 35:18, 19 kin kasalehda, irail me iang pwihn en Rekap en atail ahnsou kin koapworopworki en mihmi nanleng de sampah? [Wadawad en Paipel erein wihk; kilang su p. 131 par. 7.]

16. Ni ahl dahieu Nephilim (nein lih kan oh tohnleng suwed kan me wia kodon kei) kin “kommwad oh ndand en mahsie”? (Sen. 6:4) [w00 4/15 p. 27 par. 9]

17. Dahme Paruk wia me kahrehda e luwetla ni pali ngehn, oh dahme kitail kak sukuhliki sang dahme wiawi ong ih? (Ser. 45:​1-5) [Wadawad en Paipel erein wihk; kilang w97 8/15 p. 21 pars. 14-​16.]

18. Iahd oh iaduwen kokohp en Seremaia 50:38 pweida? [Wadawad en Paipel erein wihk; kilang dp p. 150 pars. 2-3.]

19. Iaduwen dahme wiawi ong Serusalem, “nein Suda serepein meipwon,” kin kasalehda dahme pahn wiawi ong Kristendom, nin duwen Koul Kedepwidepw 1:​15 kin kasalehda? [Wadawad en Paipel erein wihk; kilang w88 9/1 p. 27 box.]

20. Ia wehwehn Esekiel 21:26 me mahsanih: “Kihsang sapwellimomwi nihn oh lisoarop en nanmwarki”? [Wadawad en Paipel erein wihk; kilang w88 9/15 p. 19 par. 16.]

Ntingihdi lepin lokaia de lepin lokaia kan me konehng pwehn kaunsekehla koasoio pwon:

21. Aramas emen me lamalam aktikitik kin mihmi _________________________ en _________________________ mwahu oh e kin pohnese me mie _________________________ en dahme e pahn wia oh dahme e sohte pahn wia. (Maika 6:8) [w00 3/15 p. 21 pars. 1-2]

22. Edetehn ngehn sarawi sohte kak kihsang _________________________ de _________________________ , e kak sewese kitail en _________________________. (1 Kor. 10:13; 2 Kor. 4:7) [w00 4/1 p. 11 par. 6]

23. Soukohp Daniel kasawihada sapwellimen Seremaia nting ko oh sukuhliki me Serusalem pahn tehnla erein _________________________ ; oh mehlel en kokohp wet kin kakehlailih atail pwoson sapwellimen Siohwa manaman en _________________________ . (Ser. 25:12; Dan. 9:2) [si p. 129 par. 37 ]

24. Pwuhken Koul Kedepwidepw kin kangoange tohnkaudok mehlel akan en kasalehda _________________________ oh _________________________ oh e pil kin wia iren kaweid _________________________ ong irail akan me kin pohnsehse Siohwa Koht. [si p. 132 par. 13]

25. Ahnsou me Eipraam mweidohng Lohd en pilada wasa me e mwahuki​—⁠e wia mehn kahlemeng mwahu ong kitail me kitail en dehr mweidohng _________________________ de _________________________ en kauwehla atail nanpwung mwahu rehn riatail brother oh sister kan. (Sen. 13:​5-​12) [w00 8/15 p. 24 pars. 3-4]

Pilada pasapeng pwung nan ehu ehu sentence kan:

26. Sohp kesempwaliki sapwellimen Siohwa (kupwurokong; mahk; kopwungpwung) oh irair wet kin kamwekid Sohp en doadoahngki (eh loalokong; mahk; kopwungpwung) rehn nah ladu kan. (Sohp 31:13, 14) [w00 3/15 p. 26 par. 1]

27. Nan Seremaia 16:​2-4, kehkehlik kohwong soukohp Seremaia en dehr pwopwoudila pwehn (kasalehda eh ngehnen tohnmetei; kasalehda me Mesaia pil sohte pahn pwopwoud; kasalehda me sapwellimen Siohwa mahsen me pid ohlahn Serusalem uhdahn pahn wiawi). [Wadawad en Paipel erein wihk; kilang w78 4/15 p. 31 par. 2.]

28. Nan Lepin Padahk 4:7, erpit kin wehwehki (wehwehki duwen ire mehlel kan; wehwehki iaduwen ire mehlel kan kin pid ehuehu ire; wehwehki iaduwen loalokong oh wehwe kin doadoahkpene). [w00 5/15 p. 21 par. 1]

29. Sohte aramas emen kak uhdahn wehwehki douluhl ngohr en mwaren Koht pwehki nting en Ipru ni mwehin Paipel kin (ihte vowels (A, E, I, O, U); ihte consonants). [rs p. 195 par. 1]

30. Sapwellimen Koht kuruma me sansalda nan Esekiel irelaud 1 kin karasaraski (Sapwellimen Koht Wehin Mesaia; sapwellimen Siohwa pwihn en tohnleng kan; sapwellimen Siohwa mahsen ong luwen me keidi kan). [Wadawad en Paipel erein wihk; kilang w88 9/15 p. 11 par. 5.]

Pilada mehnia iren Paipel me pahn pahrekiong sentence kan: Deud. 7:​25, 26; Lepin Padahk 4:​18; 5:​21; Ser. 46:28; Rom 15:4

31. Kehkehlik wet kin kasalehong sapwellimen Siohwa aramas akan iaduwen re pahn kilangwong dikedik en eni kan me re kin poaridiong mahs. [rs p. 186 par. 3]

32. Ehu ahl me Siohwa kin ketikihda mehn kamweit iei sang ni sapwellime Mahsen, oh iei wasa me atail koapworopwor kaselel kin kileledi. [w00 4/15 p. 5 par. 4]

33. Kaiahn sang pahpa oh nohno kan sohte pahn daulihla de wia mehkot likin kaweid oh kapwungala seri kan. [Wadawad en Paipel erein wihk; kilang kl p. 148 par. 20.]

34. Pwehki Siohwa kin sewese sapwellime ladu kan en ekis ekis wehwehki kupwure, atail kalaudehla atail loalokong duwen kupwuren Koht kin wehwehki me ekei pak kitail anahne kawekila atail madamadau. [rs p. 205 par. 4]

35. Sohte lipilipil tiahk samin me pid wendipene, mendahki e kin wiawi ni rir oh aramas teikan sehse, e pahn sansal mwohn silangin Koht​—⁠kitail sohte kak ekisang Ih dahme kitail wia. [w00 7/15 p. 31 par. 3]