Pakair Kan

◼ Dahme kitail pahn kihla nan September: Nei Pwuhk en Poadoapoad kan en Paipel. October: Watchtower oh Awake! makisihn kan. Ma aramas emen me ke tuhwong kin perenki rong, ke kak idek reh ma e men ale brochure Kupwurki oh nantihong tepida onop Paipel reh. November: Dahme Koht Kupwurki Kitail en Wia? de Knowledge That Leads to Everlasting Life. Ma tohnihmw nainekier brochure wet oh pwuhk wet, ke kak idek reh ma e men ale pil ehu pwuhk (pilada sang pwuhk mering kan me mihmi nan Kingdom Hall). December: Nei Pwuhk en Poadoapoad kan en Paipel, de Ke Kak Mour Kohkohlahte Nan Paradais Nin Sampah.

◼ Tohnmwomwohdiso sohte pahn ale neirail October 2002 Atail Doadoahk Ong Wehio lao lel re iangehr Kapokon en District me wiawi nan pein sapwarail.

◼ Se men katamankin elder kan en tamanda kaweid sang Watchtower (lokaiahn wai) en April 15, 1991, pali 21 lel 23 me kin koasoia duwen irail me piskensang mwomwohdiso me kin kasalehda me re men pwurodo nan mwomwohdiso.

◼ Branch Ohpis sohte kin kadarala oaht kan me sounkalohk kan kin wiahda. Presiding Overseer pahn koasoanehdi pwe pakair pahn wiawi ehuehu sounpwong mwohn mwomwohdiso pahn kadaralahng Branch Ohpis neirail oaht en pwuhk kan pwe ma ekei sounkalohk kan men oaht mehkot, re kak tuhwong brother me apwalih pwuhk kan.

◼ Ekei pak, mwomwohdiso kan oh sounkalohk kak kin lelohng kahpwal kan me pid arail kaudok ong Siohwa oh pil pid palien kosonned. Booklet me oaralap koasoia Defending and Legally Establishing the Good News me wiawihda nan pahr 1950 oh kahrepe e wiawihda pwehn sewese brother oh sister kan nan soangen kahpwal pwukat. Ahpw, brother kan solahr kin doadoahngki booklet wet pwe e meringlahr, kahrehda se men kaweidki sounkalohk kan oh pwihn en elder en ieremen doadoahngki booklet wet ni irail pahn song en kamwahuwihala kahpwal kan me pid palien kosonned.

◼ Kapahrek ong Wehi Pokon me pahn wiawi ahnsoun Kataman nan 2003 pahn wiawi Rahn Sarawi, April 27. Oaralap en padahk pahn pakair mwuhr oh elder kan pahn ale outline en padahko mwuhr. Ma Sounapwalih en Circuit pahn mwemweitla rehn ahmw mwomwohdiso nan wihko de kapokon pahn wiawi nan wihko, Kapahrek ong Wehi Pokon pahn uhd kosoula wihk en mwuri. Kapahrek ong Wehi Pokon sohte pahn wiawi mwohn April 27, 2003.

◼ Pwuhk kapw oh tract kapw:

Benefit From Theocratic Ministry School Education—Tagalog

Do You Have an Immortal Spirit? (Tract No. 25)—Marshallese