Kousapahl En Theocratic Ministry Sukuhl
Kousapahl wet me pid padahk kan me kitail sukuhlikier nan Theocratic Ministry Sukuhl erein wihk en September 2 lel December 23, 2002. Doadoahngki ehu doaropwe tohrohr pwehn ntingihdi pasapeng kan uwen me ke kak erein ahnsou me mweimweiong.
[Tehk kanahieng: Ahnsou me kousapahl pahn wiawi, kitail kak doadoahngkihte neitail Pwuhk Sarawi. Reference kan me ntingdi mwurin peidek kan kak kadoadoahk ni pein atail ahnsou. Me pid reference kan nan The Watchtower, pali oh parakrap kan sohte kin kileledi ahnsou koaros.]
Ke pahn sapeng Pwung de Sapwung:
1. Doudouloale duwen sapwellimen Siohwa irair kaselel kan kin wia ahl kesempwal ieu en karanihala Ih. (Melkahka 143:5) [w00 10/15 p. 4 par. 6]
2. Nan Esekiel 37:15-24 me koasoia duwen tuhke riapwoat wiahla tuhke pwoat—met pweida nan atail ahnsou nan 1919 ni ahnsou me irail me keidi kan miniminpene pahnangin kaundahn Krais, arail “nanmwarki tehmen” oh “sounsilepen sihpw tehmen.” [Wadawad en Paipel erein wihk; kilang w88 9/15 p. 25 par. 13.]
3. Mendahki ekei aramas kin kauwe Paipel oh dene pwuhken Daniel kin wia soi likamw, irail me kin weirada pwehl nan wasa kan me pwuhken Daniel koasoia oh re diarada me poadoapoad kan me pwuhken Daniel kasalehda me mehlel oh uhdahn wiawi. [si p. 138 par. 4]
4. Ni ahnsou me kitail kin rong mehkot me kin kohsang emen me ahneki manaman de emen me kin inenen loalokong, met wehwehki me kitail anahne kamehlele me e mehlel. [w00 12/1 p. 29 pars. 7-8]
5. Pwehki pwuhk 12 me wia kaimwiseklahn palien Pwuhk Sarawi ni lokaiahn Ipru me uhdahn mwotomwot met wehwehki me irail sohte kesempwal duwehte pwuhk teikan. [si p. 143 par. 1]
6. Eimwos kin wia emen irail me “nein soukohp kan” me Siohwa malipe oh kadarala pwehn wia doadoahk en soukohp nan Suda oh Israel. (2 Nanmwarki 2:3) [si p. 148 par. 1]
7. Opadaia iretikitik 16 kohpada me Siohwa pahn kasorala wehin Edom pwehki arail kin kailongki mehn Suda kan. (Opadaia 12) [Wadawad en Paipel erein wihk; kilang w89 4/15 p. 30 koakon.]
8. “Lokaia min” me Sepanaia 3:9 kin koasoia iei wehwe pwung en padahk mehlel me pid duwen Koht oh sapwellime kupwur kan. [Wadawad en Paipel erein wihk; kilang w01 2/15 p. 27 par. 18.]
9. Kahrepe me Sises sapwellimaniki pepehm kan me toutou nan mwetuwel me adaneki Ketsemeni pwehki e kin pwunodki met: ma sapwellime pwoula nin duwen loallap men pahn kauwehla mwaren Siohwa de soh. (Madiu 26:38; Luk 22:44) [w00 11/15 p. 23 par. 1]
10. Ni ahnsou me Sekaraia 9:6, 7 koasoia duwen “mehn Pilisdia men” me wia “duwehte kaunen keinek nan Suda,” met wia kokohp me pweida rehn irail me kisehn sihpw teikan rahnwet me ale kaiahn sang “ladu lelepek oh loalokong” oh ale manaman nan ekei pwukoah kan. (Madiu 24:45) [Wadawad en Paipel erein wihk; kilang w95 7/1 p. 23 par. 14.]
Wia ahmw pasapeng ong peidek pwukat:
11. Iaduwen atail pwukoah en kalohk kin pahrekiong pwukoah me Esekiel sapwellimaniki nin duwen silepe men? (Esekiel 33:1-11) [Wadawad en Paipel erein wihk; kilang w88 1/1 p. 28 par. 13.]
12. Dahme wiawi nan atail ahnsou me duwehte kaudiahl me Esekiel kilang me pid duwen tihn aramas madekeng kan? (Esekiel 37:5-10) [Wadawad en Paipel erein wihk; kilang w88 9/15 p. 24 par. 12.]
13. Dahme wia mehn kadehde me keieu kehlail me ngehn sarawi kamwekid Sekaraia ni e ntingihdi sapwellime pwuhk me mihmi nan Paipel met? [si p. 169 par. 5]
14. Kahnimw me Esekiel kilang nan kaudiahl kin karasaiong dah? (Esekiel 48:15-17) [Wadawad en Paipel erein wihk; kilang w99 3/1 p. 18 par. 22.]
15. Iaduwen kitail kak doadoahngki Aiseia 2:2-4 pwehn kasalehda me kokohp wet sohte pweida rehn wehin Israel rahnwet ni atail kilang soahng kan me kin wiawi nan Israel rahnwet? [rs p. 223 par. 3]
16. Soangen mehn kasukuhl dahieu kitail kak sukuhliki sang dahme Daniel wia ni ahnsou me nanmwarki wiahda kosonned me kin keinepwihsang aramas koaros en peki mehkot sang rehn arail koht de aramas emen sohte lipilipil erein rahn 30? (Daniel 6:7-10) [Wadawad en Paipel erein wihk; kilang dp p. 125 pars. 25-8.]
17. Ni ahnsou me irail me keidi kan pakairki rohng dahieu sang Siohwa me irail rasehng laion men nanpwungen wehi kan? (Maika 5:8) [Wadawad en Paipel erein wihk; kilang w81 7/15 p. 23 par. 10.]
18. Ia wehwehn dahme Apakuk 3:14 koasoia: “sapwellimomwi arep doakoahdi moangen nah sounpei kan”? [Wadawad en Paipel erein wihk; kilang w00 2/1 p. 22 par. 15; w81 8/1 p. 29 pars. 6-7.]
19. Dahme kahrehda Sepanaia 2:3 kin doadoahngki lepin lokaia “mweinele”? [Wadawad en Paipel erein wihk; kilang w01 2/15 p. 19 par. 8.]
20. Nin duwen dahme Sekaraia 8:6 kin kasalehda, iaduwen Siohwa wia mehkot me mwomwen apwal ong aramas en wia—nan pahr kan sang 1919 kohdo? [Wadawad en Paipel erein wihk; kilang w96 1/1 p. 16 pars. 18-19.]
Ntingihdi lepin lokaia de lepin lokaia kan me konehng pwehn kaunsekehla koasoio pwon:
21. Kitail kak patoh ong Siohwa ni atail kin _________________________ , me wehwehki patoh ong Koht ni elen wahu nin duwen kaudok; oh keieun ahl me E kin doadoahngki pwehn sapeng atail pekipek kan iei sang _________________________ . (Melkahka 65:2; 2 Tim. 3:16) [w00 10/15 p. 5 pars. 2-3]
22. Kitail ese me Maikel iei Sises Krais ni atail pahn kapahrekihpene iren Paipel pwukat: Sud 9 oh 1 Deselonika 4:16 (Revised Standard), oh nan 1 Deselonika 4:16, e kasalehda me ahnsou me Sises Krais pahn malipe aramas akan pwehn kaiasada irail, e kin doadoahngki “ _________________________ ”; oh pil mware “Maikel” kin wehwehki “ _____________________________________________ ,” me wehwehki me Sises iei ih me kin tiengala mwowe nin duwen e kin utungada kaundahn Siohwa nanleng oh sampah oh pil utungada sapwellimen Koht imwintihti. [rs p. 218 pars. 1-2]
23. “Ahnsou me irail tepida pakairki me irail pahn onohnsapahl Serusalem” wiawi nan pahr _________________________ , me wehwehki ih pahro me tepikihda “wihk en pahr 69” me imwisekila ahnsou me Mesaia pwarada nan pahr _________________________ . (Dan. 9:25) [Wadawad en Paipel erein wihk; kilang dp p. 190 par. 20–p. 191 par. 22.]
24. Soel 2:31, me kohpada me ketipin pahn rotala, kin duwehte dahme Madiu 24:29, 30 kohpada, pwe nan Madiu ____________________ kin kawehwehda me ahnsou me e pahn ketido nin duwen Nein-Aramas, e pahn doadoahngki sapwellime _________________________ . [si p. 147 par. 13]
25. Sapwellimen _________________________ kokohp me pid Asiria oh ah kahnimw me kin wia poasen kaun me ede: _________________________ , kin kasarawi sapwellimen Siohwa kopwungpwung oh kaunda nin duwen kaunen lahng oh sampah oh kokohp wet pil kin sewese kitail en likih Siohwa me e pahn kasohrala irail kan koaros me suwed akan. [si p. 160 par. 11]
Pilada pasapeng pwung nan ehu ehu sentence kan:
26. Pwuhk en Esekiel kin kasalehda me Siohwa kin wia Koht me (kadek-sapan; aktikitik; sarawi) oh kasansalehda me (kamwahulahn pein atail irair kan; kasarawilahn mwaren Siohwa; wia mehn mpe mwahu men) iei me keieu kesempwal sang soahng teikan koaros. [si p. 137 par. 33]
27. Esekiel, me memour nan sampah ahnsou me Daniel pil memour nan sampah, kin kasalehda me Daniel uhdahn emen aramas, oh e kin koasoia duwen ih oh (Noha oh Sohp; Moses oh Sosua; Elaisa oh Elisa). [si p. 138 par. 2]
28. Nin duwen dahme Daniel 2:34, 35, 45 kin kasalehda, lapalahn takaio me lel sansalo oh kauwehla: met wehwehki (Armakedon; rohng en kadeik kan me sapwellimen Koht aramas akan kin pakairki me mwomwen “kekeluwak” duwehte takai; Wehin Mesaia). [si p. 142 pars. 20, 23]
29. Pelin loukust kan me pwuhken Soel 1:4-6 kasalehda kin wehwehki (wehin Israel; Kristian me keidi kan; karis en sounpei en mehn Rom kan). (Wiewia 2:1, 14-17) [Wadawad en Paipel erein wihk; kilang w98 5/1 p. 9 par. 9.]
30. “Wehin Sapwellime Iehros kompoak” me Kolose 1:13 koasoia kin wehwehki (Wehin Mesaia; kaundahn Krais pohn mwomwohdisohn Kristian sang Pendekos 33 C.E. kohkohdo; kaundahn Krais erein Pahr Kid). [rs p. 232 par. 4]
Pilada mehnia iren Paipel me pahn pahrekiong sentence kan: Oseia 6:6; Soel 2:32; Sekeraia 4:6, 7; 13:3; Rom 12:2
31. Kitail en dehr mweidohng tiahk kan oh koasoandi kan en sampah wet en kamwekid atail madamadau kan. [w00 11/1 p. 21 par. 5]
32. Koht sohte kin kupwurperenki meirong tohto me sohte kohsang mohngiong unsek, ahpw E kin kupwurperenki meirong en kaping kan me kin kasalehda atail limpoak oh loalopwoat ong Ih me poahsoankihda dahme kitail ese duwen Ih. [Wadawad en Paipel erein wihk; kilang si p. 145 par. 16.]
33. Wehwehki, wauneki, oh likih Ih me mwareneki Siohwa kin kesempwal ma kitail men ale komourpatail. [Wadawad en Paipel erein wihk; kilang w89 3/15 p. 30 box.]
34. Kupwuren Koht pahn pweida, kaidehn pwehki mehkot me aramas pahn wia, ahpw pwehki dahme ngehn sarawi kin wia, me kin sewese sapwellimen Koht ladu kan en powehdi kahpwal laud kan oh dadaurete nan arail doadoahk en papah Koht. [si p. 169 par. 2]
35. Lelepek oh loalopwoat me kin sansalda nan sapwellimen Siohwa pwihn kin deisang mehlel nanpwungen aramas sohte lipilipil, iangahki nanpwungen tohnpeneinei kan. [si p. 171 par. 24]