Dahme Kahrehda Irail Kin Wia Doadoahk Wet?

Mie kokohp nan Pwuhk Sarawi me mahsanihki duwen en Krais eh ‘ngoangki lingan en Tehnpas en Koht pahn ngkengken loale rasehng kisiniei.’ (Melkahka 69:9) Sapwellimen Sises ngoangki kaudok mehlel en Siohwa kamwekid ih en mwohneki doadoahk en kalohk. (Luk 4:43; Sohn 18:37) Ngoangohte​—⁠ngoangki kalohki duwen padahk mehlel​—⁠kin sansal nan doadoahk en Sounkadehdehn Siohwa rahnwet. Nan pahr en kalohk me ahpwtehn nek, irail me 798,938 (average) nan sampah pwon iang doadoahk en pioneer ehuehu sounpwong.

Dahme kahrehda irail kin doadoahk laud nan kalohk oh irail wehwehki me irail sohte kin ale pweipwei de irail sohte kin ndandki doadoahk wet? Irail wehwehki me doadoahk wet kin sewese aramas en ale komourparail. Irail kin ahneki pepehm me irail pwukoahki ahn meteikan arail mour oh pepehm wet kin mwekidki limpoak laud ong Siohwa oh meteikan. (Rom 1:14-16; 1 Tim. 2:4; 4:16) Ma ke tehk pein ahmw irair kan oh ke kak iang doadoahk en pioneer, dahme ke soh iang irail brother oh sister kid kid kei nan sampah pwon me wia doadoahk en pioneer? Doadoahk wet wia doadoahk kaperen ehu.