Dahme Kitail Kak Koasoia Duwen Makisihn kan

Kahn Iroir July 2003

“Pwehki ur nan nta me wiawi nan pahr akan me ahpwtehn nekier ko, ke lemeleme me suwed powehdier me mwahu? [Mweidohng en sapeng.] Tehk dahme Paipel mahsanih duwen Koht. [Wadek Melkahka 83:18b.] Pwehki Koht me Keieu Ileile pohnangin sampah pwon, me suwed uhdahn pahn kak kana? [Mweidohng en sapeng.] The Watchtower en July 2003 kin kihong kitail pasapengpen peidek wet. Sohte isepe en makisihn wet pwehki mwohni me aramas sawaski me kin utungada doadoahk wet. Ma ke men kihda ahmw sawas rahnwet, se pahn perenki kilang me e pahn kohwong doadoahk en kalohk me kin wiawi nan sampah pwon.”

The Watchtower July 15

“Aramas tohto kin tehk me aramas akan rahnpwukat kin men kelekelepw oh irail sohte men patehng meteikan. Ke lemeleme met kin wia mehkot mwahu? [Mweidohng en sapeng.] Ken tehk duwen lepin koasoi ehu me kin kasalehda kesempwalpen miniminiong meteikan. [Wadek Eklesiasdes 4:​9, 10.] Makisihn wet kin koasoia duwen dahme kahrehda kitail anahne meteikan oh iaduwen aramas kak kamwahuwihala kahpwal kan me kin kohsang ni ahnsou me aramas sohte men patehng meteikan.”

Awake! July 22

“Aramas tohto kin pwunodki duwen mengei en kilang kilel kilisou kan (widespread availability of pornography). Ke lemeleme me met kin wia mehkot en pwunodki? [Mweidohng en sapeng.] Kaweid mwahu me Paipel kak kihda kin kak pere kitail sang kahpwal. [Wadek Episos 5:​3, 4.] Makisihn wet kin kasalehda iaduwen kitail kak pere pein kitail sang keper wet.”