Pakair Kan

◼ Dahme kitail pahn kihla nan December: Nei Pwuhk en Poadoapoad kan en Paipel de Ke Kak Mour Kohkohlahte Nan Paradais Nin Sampah. January: Padahk Mehlel me Kahluwalahng Mour Soutuk. February: Padahk Mehlel me Kahluwalahng Mour Soutuk. March: Knowledge That Leads to Everlasting Life de Ke Kak Mour Kohkohlahte Nan Paradais Nin Sampah.

◼ E pahn mwahu ma mwomwohdiso kan pahn koasoanehdi koasoandi en kihseli makisihn kan ni rahn en Kristmas oh Pahrakapw. Elder kan pahn pakairki koasoandi pwukat mwadang pwe koaros kak koasoanehdi arail koasoandi kan en iang kalohk nan rahn pwukat. Sounkalohk kan me kommoal sang doadoahk de sukuhl nan ahnsou pwukat kak iang doadoahk en Auxiliary Pioneer.

◼ Se men katamanki brother kan me kin apwalih mwohni en mwomwohdiso me irail anahne kadarala mwohni me kin mihmi nan koakon en sawas ong doadoahk en kalohk nan sampah pwon (Worldwide Work) oh mwohni ong Kingdom Hall Fund pak ehu nan sounpwong ehu oh mwohni pwukat sohte pahn kohwong pweipwand en sahpw me Kingdom Hall mihmi powe de pil ehu pweipwand me mwomwohdiso kin ahneki.

◼ Se pahn kereniong kadaralahng mwomwohdiso kan neirail doaropwe en luhk ong Kataman me pahn wiawi nan 2004 ni lokaia me mwomwohdiso kin doadoahngki. Ma mie pil ekei lokaia kan me mwomwohdiso kin doadoahngki oh sounkalohk kan men ale doaropwe en luhk ni soangen lokaia kan, elder kan kak padahkiong sounapwalih en pwuhk kan en oaht doaropwe en luhk pwukat mwadang oh met wehwehki me e pahn oaht ni ahnsou me e pahn wiahda “Literature Request form” (S-14). Menlau oaht lokaia kante me kumwail anahne ong amwail wasahn kalohk.

◼ Menlau tehk me Kataman en pahr 2005 pahn wiawi Ni Epeng, March 24, mwurin kihrlahn ketipin. Se men mwadang kehsehkin brother kan duwen rahno pwehki met pahn sewese irail ma re anahne koasoanehdi (reserve) de wiahda contract ahnsou wet ong wasa kan me Kataman pahn wiawi ma mwomwohdiso tohto kin doadoahngki ehute Kingdom Hall oh ekei mwomwohdiso men rent wasa teikan. Nan ekei wasa, e pahn kesempwal elder kan en padahkiong manager en wasa pwukat me irail men rent me re sohte men wiewia teikan en wiawi nan wasa pwukat pwehki Kataman wia ahnsou ehu me anahne meleilei oh soandi mwahu. Pwehki kesempwalpen rahno, pwihn en elder kan pahn pilada emente rehrail me koahiek en padahk rahno oh met wehwehki me irail sohte pahn weliweliante pahr koaros de brother emente me pahn wia padahk ni Kataman pahr koaros. Ma emen elder koahiek me kisehn me keidi kan kak wia padahko, ih me pwihn en elder kan pahn pilada.