Pakair Kan

◼ Dahme kitail pahn kihla nan January: Padahk Mehlel me Kahluwalahng Mour Soutuk. February: Padahk Mehlel me Kahluwalahng Mour Soutuk. March: Knowledge That Leads to Everlasting Life de Ke Kak Mour Kohkohlahte Nan Paradais Nin Sampah. April: Watchtower de Awake! makisihn kan. Ni ahnsou me kitail pwurehng pwurala rehn aramas akan me perenki rong, kitail kak pil kohla rehn irail akan me iang towehda Kataman, mihding, de kapokon kan ahpw saikinte iang towehda mihding kan koaros. Kitail kak wia uwen atail kak koaros en tepida onop en Paipel rehrail, mendahki irail onop mahs oh kanekehla pwuhken Knowledge oh brochure Kupwurki.

◼ Tepida nan sounpwong en February, oh sohte pwand sang March 7, oaralap en Kapahrek ong Wehi Pokon kapw me Sounapwalih en Circuit kan pahn wia iei “Ahn Ihs Koasoandi kan Ke Kin Kesempwaliki?”

◼ Mwomwohdiso kan anahne wiahda koasoandi mwahu kan ong kasarawi Katamanpen Kamatalahn Krais Rahn Sarawi, April 4, mwurin kihrlahn ketipin. Kapahreko kak tepida mwadang, ahpw pass-seli pilawa oh wain pahn awih lao lel ketipin kihrlahr. Tehk rehn irail kan nan pein ahmw wasa me kin ese kuloak depe ketipin pahn kihrla rahno pwehn koasoanehdi kuloak depe Kataman pahn tepida. Pwehki sohte mihding kan pahn wiawi rahno (ihte mihding en tuhpene en kalohk kak wiawi rahno), elder kan pahn koasoanehdi pwe Onop en Kahn Iroir pahn wiawi pil ehu ahnsou. Sounapwalih en Circuit kan pahn anahne kawekila arail koasoandi en mihding kan ong mwomwohdiso me irail pahn mwemweitala ie nan wihko nin duwen irair en mwomwohdiso. Mehlel, e pahn mwahu ma ehuehu mwomwohdiso kak wia pein arail Kataman, ahpw met sohte kak wiawi ahnsou koaros. Ni ahnsou me mwomwohdiso tohto sang ehu kin doadoahngki Kingdom Hall ehute, e pahn mwahu ma ekei mwomwohdiso kan pahn rapahki pil ehu wasa en kasarawi arail Kataman ni soutik en rahno. Ma kak, e pahn mwahu en koasoanehdi minit 40 (de reirei sang) nanpwungen Kataman kan pwe aramas koaros kak paiekihda Kapahrek me pahn wiawi. E pahn mwahu en wia koasoandi mwahu kan me pid peidi en sidohsa oh pil iawasa re pahn peidi ahnsoukis ni ahnsou me aramas doudi oh pil mwurin Kataman ni ahnsou me aramas pahn douda. Pwihn en elder kan pahn pilada koasoandi dah kan me pahn mwahu en wiawi nan pein arail wasa.

◼ Ong irail akan me men kihda arail sawas ong Society oh transfer neirail mwohni sang neirail pangk, irail kak wadek kaweid me pid duwen koasoandi wet. Ma ke men rong de wadek kaweid duwen ire wet, menlau call 718-​560-​5000 de ntinglahng Watch Tower, Office of the Secretary and Treasurer, 25 Columbia Heights, Brooklyn, New York 11201-​2483.