Kousapahl En Theocratic Ministry Sukuhl
Kitail pahn kousapahlih pasapengpen peidek pwukat nan Theocratic Ministry Sukuhl me pahn wiawi nan wihk me pahn tepida June 28, 2004. Sounapwalih en Sukuhl pahn wia kousapahl wet me reireiki minit 30 oh e pahn poahsoankihda padahk kan me wiawi nan wihk me tepkihda May 3 lel June 28, 2004. [Menlau tehk kanahieng: Ma sohte reference mwurin peideko, met wehwehki me ke anahne wia pein ahmw research pwehn sapeng peideko.—Kilang Benefit From Theocratic Ministry School Education, pp. 36-37.]
WIEPEN KOASOI
1. Soangen kahrepe dah kan me pahn kak kahrehong kitail en padahk ni ahl me sohte mwahu—duwehte kitail mwomwen wadawad ni atail wia atail padahk? [be p. 179 par. 4]
2. Dahme kahrehda kitail kak wehwehki me atail kekeirada ni atail pahn wia atail padahk (ngilen koasoi) kaidehn ihte pid duwen atail esingek pwung de en dehr saloh? [be p. 181 par. 2]
3. Ni atail kin ehukihong meteikan padahk mehlel sang Paipel, dahme kitail anahne wia pwehn “wiahlahr soahng koaros rehn aramas koaros”? (1 Kor. 9:20-23) [be p. 186 pars. 2-4]
4. Atail rongorong kanahieng dahme tohnihmw kin nda ahnsoun kalohk kin pidada dah? [be p. 187]
5. Dahme kahrehda e kesempwal kitail e kasalehda wahu ong aramas koaros me kitail kin tuhwong nan kalohk? [be p. 190]
PADAHK KEIEU
6. Ia mehn akadei en irail me kin kihda kaweid sang nan Paipel, oh dahme pahn sewese irail en lel arail mehn akadei? (Madiu 5:16; Sohn 7:16-18) [be p. 56 par. 3–p. 57 par. 2]
7. Dahme kahrehda e mwahu en wiahda karasaras en kapahrekihpene soahng riau ahnsou me kitail kin padahk, oh iaduwen Sises kin doadoahngki karasaras en kapahrekihpene soahng riau? [be p. 57 par. 3; p. 58 par. 2]
8. Weksang Parisi kan, iaduwen sapwellimen Sises padahk kan kin lel mohngiong en aramas akan? [be p. 59 pars. 2-3]
9. Iaduwen kitail kak sewese irail me kitail kin padahk ong en doadoahngki dahme re sukuhliki, ahpw sohte wia pilipil kan ong irail? [be p. 60 pars. 1-3]
10. Iaduwen kitail kak sapeng peidek en meteikan me pid duwen ahn emen emen pilipil? [be p. 69 pars. 4-5]
WADAWAD EN PAIPEL EREIN WIHK
11. Dahme kahrehda Moses anahne idawehn “koasoandi en wiahda Impwalo oh koasoandi en wiahda dipwisou kan me mihmi loale”? (Eksodus 25:9) [it-2 p. 1058 par. 7]
12. Dahme kitail kak sukuhliki sang ahn Aaron pasapeng ong Moses duwen kou kohlo me Aaron wiahda? (Eksodus 32:24)
13. Dahme kitail kak sukuhliki sang mehn Israel kan arail kin kasalehda pwoson ni arail kin peikiong sapwellimen Siohwa kehkehlik me kileledi nan Eksodus 34:23, 24?
14. Ia kahrepen meirong en kaminimin? (Lipai 3:1)
15. Iaduwen koasoandi en pilada emen en wiahla samworo men, me kileledi nan Lipai 8:23, pid duwen pilipildahn Sises? [it-2 p. 1113 par. 4; w68 p. 399 par. 24]