Pakair Kan

◼ Dahme kitail pahn kihla nan September: Nei Pwuhk en Poadoapoad en Paipel. October: Watchtower makisihn. Ni ahnsou me kitail pahn pwurehng pwurala rehn aramas me kin perenki rong, nantihong tapiada onop en Paipel rehrail, doadoahngki pwuhken Loalokong de brochure me oaralap koasoia Dahme Koht Kupwurki Kitail en Wia? November: Mwohn Nov. 14, kitail pahn kihla brochure kapw me oaralap koasoia: Keep on the Watch. Mwurin Nov. 14, kitail pahn kihla pwuhken Loalokong de Kupwurki brochure. December: Nei Pwuhk en Poadoapoad en Paipel de Ke Kak Mour Kohkohlahte Nan Paradais Nin Sampah.

◼ Kitail pahn kousapahlih ire kesempwal kan sang video cassette me oaralap koasoia No Blood​—Medicine Meets the Challenge nan Service Mihding nan December. Prokram wet pil pwarada nan DVD oh kisehn prokram me oaralap koasoia Transfusion Alternatives​—Documentary Series. DVD wet kin kasalehda prokram pwukat: Transfusion-Alternative Strategies​—Simple, Safe, Effective; Transfusion-Alternative Health Care​—Meeting Patient Needs and Rights; oh No Blood​—Medicine Meets the Challenge. Ma sounkalohk mwahuki, irail kak oaht video cassette de DVD oh irail kak oaht rehn brother me kin apwalih pwuhk kan nan mwomwohdiso.

◼ Se men katamanki elder kan en taman kaweid sang Watchtower (lokaiahn wai) en April 15, 1991, pali 21-23 me kin koasoia duwen irail me piskensang mwomwohdiso me kin kasalehda me re men pwurodo nan mwomwohdiso.

◼ Kapahrek tohrohr me pahn wiawi mwurin Kataman en 2005 pahn wiawi Rahn Sarawi, April 10. Oaralap en padahko pahn pakair mwuhr. Mwomwohdiso kan me Sounapwalih en Circuit pahn mwemweitla rehrail nan wihko de irail me pahn mie arail kapokon nan wihko: arail Kapahrek Tohrohr pahn wiawi nan wihk mwurin mwo (April 17). Sohte mwomwohdiso pahn wia padahk wet mwohn Rahn Sarawi, April 10, 2005.

◼ Pwehki nan October mie Rahn Kaunop limau oh Rahn Sarawi limau, sounpwong en October kin wia ahnsou mwahu en Auxiliary Pioneer.