Pakair Kan

◼ Dahme kitail pahn kihla nan December: Nai Pwuhk en Poadoapoad Kan en Paipel de Ke Kak Mour Kohkohlahte Nan Paradais Nin Sampah. January: Sohte lipilipil pwuhk en mahs kan me mihmi nan Kingdom Hall. February: Sohte lipilipil pwuhk en mahs kan me mihmi nan Kingdom Hall. March: Loalokong Me Pahn Kahluwalahng Mour Soutuk de Ke Kak Mour Kohkohlahte Nan Paradais Nin Sampah.

◼ Se pahn kerenieng kadaralahng mwomwohdiso kan neirail doaropwe en luhk ong Kataman me pahn wiawi nan 2005 ni lokaia me mwomwohdiso kin doadoahngki. Ma mie pil ekei lokaia kan me mwomwohdiso kin doadoahngki oh sounkalohk kan men ale doaropwe en luhk ni soangen lokaia pwukat, elder kan kak padahkiong sounapwalih en pwuhk kan en oaht doaropwe en luhk pwukat mwadang ni e doadoahngki “Literature Request Form” (S-14). Menlau oaht lokaia kante me kumwail anahne ong amwail wasahn kalohk.

◼ Menlau tehk me Kataman en pahr 2006 pahn wiawi Ni Esil, April 12, mwurin kihrlahn ketipin. Se men mwadang kehsehkin brother kan duwen rahno pwehki met pahn sewese irail ma re anahne koasoanehdi (reserve) de wiahda contract ahnsou wet ong wasa kan me Kataman pahn wiawi pwehki mwomwohdiso tohto kin doadoahngki ehute Kingdom Hall oh ekei mwomwohdiso anahne rent wasa teikan. Nan ekei wasa, e pahn kesempwal elder kan en padahkiong manager en wasa pwukat me irail men rent me re sohte men wiewia teikan en wiawi nan wasa pwukat pwehki Kataman wia ahnsou ehu me anahne meleilei oh soandi mwahu.

◼ Pwehki kesempwalpen rahno, pwihn en elder kan pahn pilada emente rehrail me koahiek en padahk rahno oh met wehwehki me irail sohte pahn weliweliante pahr koaros de brother emente me pahn wia padahk ni Kataman pahr koaros. Ma emen elder me kisehn me keidi kan kak wia padahko, ih me pwihn en elder kan pahn pilada.