Kousapahl en Theocratic Ministry Sukuhl
Kitail pahn kousapahlih pasapengpen peidek pwukat nan Theocratic Ministry Sukuhl me pahn wiawi nan wihk me pahn tepida April 25, 2005. Sounapwalih en Sukuhl pahn wia kousapahl wet me reireiki minit 30 oh e pahn poahsoankihda padahk kan me wiawi nan wihk me tepida March 7 lel April 25, 2005. [Menlau tehk kanahieng: Ma sohte reference mwurin peideko, met wehwehki me ke anahne wia pein ahmw research pwehn sapengla peideko.—Kilang Benefit From Theocratic Ministry School Education, pali 36-37.]
WIEPEN KOASOI
1. Ni ahnsou me ke kin kaunopada ehu padahk, iaduwen ke kak doadoahngki mwahu wasa me kilelediong uhk en doadoahngki, oh dahme kahrehda met kin kesempwal? [be p. 234 pars. 1-3, koakon kan]
2. Ia uwen laud en wasao nan pwuhko me kilelediong uhk en doadoahngki ke pahn doadoahngki ni ahnsou me ke pahn wiahda ahmw padahk? [be p. 234 par. 4–p. 235 par. 1]
3. Iaduwen kitail pahn doadoahngki peidek kan nan atail doadoahk en kalohk me pahn kak sewese aramas akan en kak kasalehda duwen arail madamadau kan? (Wiewia 8:30) [be p. 236 pars. 2-5]
4. Iaduwen kitail kak doadoahngki peidek kan me pahn kak sewese irail me kin onop Paipel rehtail en kak “doadoahngki arail loalokong”? (Rom 12:1) [be p. 238 par. 1]
5. Iaduwen peidek kan me kileldi nan pwuhken Rom 8:31, 32 oh Aiseia 14:27 kin kak kamwekid madamadau en aramas? [be p. 239 pars. 1-2]
PADAHK KEIEU
6. Iaduwen kitail kak ‘koasoanehdi pwe Krais en wia poahsoanpen’ en atail doadoahk en katohnpadahk? (1 Kor. 3:11) [be p. 278 pars. 1-2]
7. Pwehki Siohwa ketikihong sapwellime ohl manaman en kaunda nan pahr 1914, dahme kahrehda kitail kin kapakapki, “Wehiomwi en ketido”? (Madiu 6:9, 10) [be p. 279 par. 4]
8. Dahme kahrehda Kristian kan koaros en nantihong pwehn esehla wadawad, oh iaduwen Sises wia mehn kahlemeng mwahu nin duwen met? [w03 3/15 p. 10 par. 5; p. 12 par. 2]
9. Iaduwen mehn kahlemeng mwahu en Sosaia oh Sises e kak sewese me pwulopwul kan en kekeirada ni pali ngehn? [w03 4/1 p. 8 pars. 3-4; p. 10 par. 3]
10. Dahme kahrehda kitail kak likih Koht? (Lepin Padahk 3:5, 6) [w03 11/1 p. 4 pars. 6-7]
WADAWAD EN PAIPEL EREIN WIHK
11. Dahme kahrehda Ana kapakapki me Siohwa en “ketikihong sapwellime nanmwarki manaman” ni a sohte nanmwarki en Israel ahnsowo? (1 Sam. 2:10)
12. Dahme kitail kak sukuhliki sang en wehin Israel ah lohdi nan mahwin mendahki kopwahn inou mihmi rehrail? (1 Sam. 4:3, 4, 10)
13. Dahme kahrehda 1 Kronikel 2:13-15 kasalehda me Depit kaisimen en pwutak nein Sehsi, ahpw 1 Samuel 16:10, 11 kasalehda me Depit kawalimen en pwutak?
14. Soangen “ngehn suwed” dah men me kamasapwehkihda Sohl? (1 Sam. 16:14)
15. Ni ahnsou me ngehn saut me mwomwehda “Samuel” wiahda kokohp ni e doadoahngki sounkapwour eni men nan Endor, kokohp wet pwung? (1 Sam. 28:16-19)