Pakair Kan
◼ Dahme kitail pahn kihla nan January: Sohte lipilipil pwuhk en mahs kan me mihmi nan Kingdom Hall. February: Sohte lipilipil pwuhk en mahs kan me mihmi nan Kingdom Hall. March: Loalokong Me Pahn Kahluwalahng Mour Soutuk de Ke Kak Mour Kohkohlahte Nan Paradais Nin Sampah. April: Watchtower oh Awake! makisihn kan. Ni ahnsou me aramas perenki rong, idek rehrail ma irail men naineki Kupwurki brochure oh nantihong tepida onop en Paipel rehrail.
◼ Tepida nan sounpwong en February, oh sohte pwand sang March 5, Sounapwalih en Circuit kan pahn wia Kapahrek ong Wehi Pokon me oaralap koasoia “Ke Kak Paiekihda Mour Meleilei Ahnsou Wet oh Pil Ahnsou Kohkohlahte!”
◼ Pwe mie Rahn Kaunop limau oh Rahn Sarawi limau nan sounpwong en April, e pahn wia ahnsou mwahu en Auxiliary Pioneer.
◼ Ni ahnsou me kitail pahn seiloaklahng nan sahpw teikan oh kitail men iang towehda mihding en mwomwohdiso kan oh kapokon kan oh kitail men ese duwen rahn oh kuloak en arail mihding kan oh rahn akan me kapokon kan pahn wiawi wasao, e pahn mwahu en idek rehn Branch Ohpis me apwalih wasao duwen soahng pwukat. Address en Branch Ohpis kan kin kileledi nan Yearbook.
◼ Mwomwohdiso kan anahne wiahda koasoandi mwahu ong kasarawi Katamanpen Kamatalahn Krais me pahn wiawi Ni Esil, April 12, mwurin kihrlahn ketipin. Kapahreko kak tepida mwadang, ahpw pass-seli pilawa oh wain pahn awih lao lel ketipin kihrlahr. Tehk rehn irail kan nan pein ahmw wasa me kin ese kuloak depe ketipin pahn kihrla rahno pwehn koasoanehdi kuloak depe Kataman pahn tepida. E pahn mwahu ma ehu ehu mwomwohdiso kak wia pein arail Kataman. Ni ahnsou me mwomwohdiso tohto sang ehu kin doadoahngki Kingdom Hall ehute, e pahn mwahu en koasoanehdi minit 40 (de reirei sang) nanpwungen Kataman kan pwe aramas koaros kak paiekihda Kapahrek me pahn wiawi. E pahn mwahu en wia koasoandi mwahu kan me pid peidi en sidohsa oh pil iawasa re pahn peidi ahnsoukis ni ahnsou me aramas pahn doudi oh pil mwurin Kataman ni ahnsou me aramas pahn douda. Pwihn en elder kan pahn pilada koasoandi kan me pahn mwahu en wiawi nan pein arail wasa.