Mehn Kahlemeng Mwahu ong Sounpahr Koaros

E kin perenki nanpwung mwahu rehn Koht. E wia kupwuren Siohwa erein ah mour. E kin “iang Koht kekeid” oh alehdi kapai ki ah wia met. Menet iei Noha oh e wia mehn kahlemeng mwahu ong me mah oh pwulopwul koaros. (Senesis 6:9) Video me oaralap koasoia “Noah—He Walked With God” pahn sewese iuk en kak medewehla ia mwomwen en Noha mour, oh dahme kahrehda e alehdi kapai sang rehn Siohwa, oh iaduwen ke kak kahlemengih ah irair mwahu kan.

Nan DVD en Noha pil mie “Video Quiz.” Kilang video oh pein idek rehmw: (1) Dahme ekei tohnleng kan wia me sapwung oh ihs Nephilim? (Senesis 6:1, 2, 4) (2) Iaduwen aramas akan suwedla, oh ia sapwellimen Koht pepehm ong met? (Senesis 6:4-6) (3) Iaduwen Noha weksang meteikan? (Senesis 6:22) (4) Iaduwen aramas suwed akan sohrala? (Senesis 6:17) (5) Ia uwen laud en warihmwo? (Senesis 6:15) (6) Likin wiahda warihmwo, dahme Noha wia, oh iaduwen aramas akan mwekidki met? (Madiu 24:38, 39; 2 Piter 2:5) (7) Wad depe sang ehuehu soangen mahn mih nan warihmwo? (Senesis 7:2, 3, 8, 9) (8) Ia uwen werei e keteu, oh ia uwen werei sampah pwon lapakehda? (Senesis 7:11, 12; 8:3, 4) (9) Dahme kahrehda Noha oh ah peneinei pitila? (Senesis 6:18, 22; 7:5) (10) Iawasa warihmwo uhdi ie? (Senesis 8:4) (11) Iaduwen Noha ese me re kakehr pedoisang nan warihmwo? (Senesis 8:6-12) (12) Dahme Noha wia ni ah pedoisang nan warihmwo? (Senesis 8:20-22) (13) Ia wehwehn ahiao? (Senesis 9:8-16) (14) Ia wehwehn ‘iang Koht kekeid’? (Senesis 6:9, 22; 7:5) (15) Dahme kitail anahne wia pwehn kilang Noha nan Paradais? (Madiu 28:19, 20; 1 Piter 2:21)

Dahme poadoapoad nan Paipel me pid pwoson oh peik en Noha padahkiong uhk iaduwen ke kak “iang Koht kekeid” oh likih me Siohwa kak doarehla sapwellime aramas akan rahnwet?—Senesis 7:1; Lepin Padahk 10:16; Ipru 11:7; 2 Piter 2:9.