Kousapahl En Theocratic Ministry Sukuhl
Kitail pahn kousapahlih pasapengpen peidek pwukat nan Theocratic Ministry Sukuhl me pahn wiawi nan wihk me pahn tepida December 25, 2006. Sounapwalih en sukuhl pahn wia kousapahl wet me reireiki minit 30 oh e pahn poahsoankihda padahk kan me pahn wiawi nan wihk me tepida November 6 lel December 25, 2006. [Menlau tehk kanahieng: Ma sohte reference mwurin peideko, met wehwehki me ke anahne wia pein ahmw research pwehn sapengla peideko.—Kilang Benefit From Theocratic Ministry School Education, pali 36-7.]
WIEPEN KOASOI
1. Dahme pahn kin kaweidih dahme kitail pahn pilada en koasoia mwohnte atail kasalehda oh wadek ehu iren Paipel? [be p. 148 par. 4–p. 149 par. 1]
2. Ia ekei ahl akan me kitail kak doadoahngki pwe en pwung mwomwen atail kin kasansalehda mehnia lepin lokaia de lepin koasoi kan me kitail keieu men tehk nan ire me kitail wadek? [be p. 151 par. 4–p. 152 par. 3]
3. Pwehki e wia pwukoa inenen kesempwal ehu en padahkiong meteikan mahsen en Koht, dahme anahn pwe kitail en kak ‘padahkihong aramas akan mahsen en Koht ni mehlel’? (2 Timoty 2:15) [be p. 153 par. 1-3, koakon; p. 154 par. 1-2]
4. Ni ahl dah kan me kitail kak ni sansal kasalehda ia duwen iren Paipel me kitail wadek de doadoahngki nan atail padahk kin pid atail padahko? [be p. 154 par. 4–p. 155 par. 3]
5. Dahme kahrehda e kesempwal kitail en kasalehda ni sansal ia duwen aramas kak doadoahngki nan arail mour oh paiekihda ire me kitail padapadahngki, oh ia ekei ahl akan me kitail kak wia met? [be p. 157 par. 1-4, koakon; p. 158 par. 1]
PADAHK KEIEU
6. Ni ahl dahieu Solomon wia emen me kin kihpene de kapokonpene aramas? [si p. 112 par. 1-3]
7. Iaduwen pwuhken Eklesiasdes kin pahrekiong padahk kan en Sises? [si p. 114 par. 16]
8. Ia mehn kadehde me pwuhk en Melkahkahn Melkahka kan en Solomon me inenen mehlel? [si p. 115 par. 3-4]
9. Iaduwen tehn doaropwe kan en mahsie me adaneki ‘Dead Sea Scroll’ en pwuhken Aiseia kin kihda mehn kadehde kehlail me neitail Paipel rahnwet kin duduwehte tepin ntingihdi kan en Paipel mahsie? [si p. 118 par. 6]
10. Dahme pahn kak sewese emen me wia padahk en kamalaulauiala dahme e pahn ntingihdi nan tehn doaropwe kan me kin sewese ih erein eh padahk? [be p. 42 par. 1]
WADAWAD EN PAIPEL EREIN WIHK
11. Ia wehwehn “irail kan me kin pwongih [‘raparapahki,’ NW] Siohwa kin wehwehki” mehkoaros? (Lepin Padahk 28:5)
12. Ia wehwehn ‘aramas me nohn pweipwei me kin pwangada wie doadoahk’ (Eklesiasdes 10:15)
13. Iaduwen serepein en mehn Sulam duwehte “mwetuwel ehu me kelpene,” oh iaduwen e wia mehn kahlemeng mwahu ong Kristian lih kiripw akan? (Melkahkahn Melkahka kan en Solomon 4:12)
14. Ni eh ketin luke mehn Israel kan en kohla reh “kapwungala ire kan,” iaduwe, met wehwehki me Siohwa pahn wiahda soangen koasoandi ehu rehrail me re pahn koasoiapene ire kan oh eri pwungkihpene mehkan ni emen ah pahn ale-ekis-ah-kihwei-ekis? (Aiseia 1:18a)
15. Iaduwen Aiseia 11:6-9 pweidahr mahso, oh ia pil ehu pweidahn kokohp wet me pahn lapalap sang met?