Pakair Kan

◼ Dahme kitail pahn kihla nan January: Sohte lipilipil pwuhk en mahs kan me mihmi nan Kingdom Hall. February: Nei Pwuhk en Poadoapoad kan en Paipel de Wiaiong Mour en Ahmw Peneinei Nsenamwahu. March: Ke Kak Mour Kohkohlahte Nan Paradais Nin Sampah de Loalokong Me Pahn Kahluwalahng Mour Soutuk. April: Watchtower de Dahme Koht Kupwurki Kitail en Wia?

◼ Kitail pahn koasoipene duwen audepen video en Young People Ask—What Will I Do With My Life? nan Service Mihding nan April. Ma ke anahne, ke en mwadang ohte noumwail video kan sang nan mwomwohdiso.

◼ Secretary kan en mwomwohdiso anahne tehk kanahieng pwe mie doaropwe en emen emen regular pioneer (S-202) nan mwomwohdiso. Ma sohte mie, re anahne wiahda kisinlikou pwehn kehsehkin branch office duwen met.

◼ Mwomwohdiso kan anahne wiahda koasoandi mwahu ong kasarawi Katamanpen Kamatalahn Krais me pahn wiawi Ni Ehd, April 2, mwurin kihrlahn ketipin. Mendahki kapahreko mwein ele pahn tepida mwadang, pass-seli pilawa oh wain en dehr tepida wiawi lao lel mwurin kihrlahn ketipin. Tehk rehn irail kan nan pein ahmw wasa me kin ese kuloak depe ketipin pahn kihrla. Ehu ehu mwomwohdiso anahne song en wia pein arail Kataman. Ahpw, mwein met sohte kak wiawi ahnsou koaros. Ma mwomwohdiso tohto kin doadoahngki ehu Kingdom Hall, mwein ehu de ekei mwomwohdiso kan kak ale ehu wasa tohrohr ong ni soutiko. Ma kak, e pahn mwahu en koasoanehdi minit 40 de reirei sang nanpwungen Kataman kan pwe aramas koaros pahn kak paiekihda koasoakoasoipene mwurin Kataman. E pahn mwahu en wiahda koasoandi mwahu kan me pid peidi en sidohsa kan, oh iawasa re pahn peidi ahnsou kis ni ahnsou me aramas pahn doudi oh douda. Pwihn en elder kan pahn pilada koasoandi kan me pahn mwahu en wiawi nan pein arail wasa.

◼ Tepida nan February, oh sohte pwand sang March 4, oaralap en padahk kapw me sounapwalih en circuit kan pahn wia iei “Sapwellimen Koht Sampah Kapw—Ihs me Pahn Kak Pidelong?”