Kousapahl En Theocratic Ministry Sukuhl

Kitail pahn kousapahlih pasapengpen peidek pwukat nan Theocratic Ministry Sukuhl me pahn wiawi nan wihk me tepida ni June 25, 2007. Sounapwalih en sukuhl pahn wia kousapahl wet me reireiki minit 30 oh e pahn poahsoankihda padahk kan me wiawi sang nan wihk me tepida ni May 7 lel June 25, 2007. [Tehk: Ma sohte reference mwurin peideko, ke pahn anahne wia pein ahmw research pwehn sapengla peideko.—Kilang Ministry School, pp. 36-7.]

WIEPEN KOASOI

1. Pwehn kamwahwihala irair en ngilatail kan ahnsou me kitail kin lokaia, dahme kitail en wia pwehn kihsang pepehm en saloh? [be p. 185 pars. 1-3]

2. Iaduwen kitail kak “wialahr soahng koaros rehn aramas koaros” nan atail doadoahk en kalohk? (1 Korint 9:20-23) [be p. 186 pars. 2-4]

3. Iaduwen kitail kak alasang kahlemeng en Siohwa ni eh kin ketin rong meteikan? (Senesis 18:23-33; 1 Nanmwarki 22:19-22) [be p. 187 pars. 1-2, 5]

4. Ni ahl mwahu dah kan kitail kak sewese meteikan en kekeirada ni pali ngehn? [be p. 187 par. 6–p. 188 par. 3]

5. Dahme kahrehda kitail anahne nsenohki kasalehda wahu ong meteikan? [be p. 190 par. 3, box]

PADAHK KEIEU

6. Dahme kahrehda kitail anahne nantiong sair nan mohngiong en irail kan me kitail kin padahki? [be p. 59 par. 1]

7. Iaduwen atail mehn kahlemeng kin kamwekid irail kan me kitail padahki? [be p. 61 par. 1]

8. Iaduwen kitail kak kamwahwihala mwomwen atail kin koasoakoasoi nan imwatail kan? [be p. 62 par. 3]

9. Soangen mehn kahlemeng dah me kitail diarada rehn soukohp Seremaia me pid duwen en kin eimah oh ngoang? [si p. 129 par. 36]

10. Soangen koapworopwor dahieu me Koulen kedepwidepw kan kasalehda, ahpw dahme kahrehda eh wia kamwahu ehu en kasalehda uwen wuk en Sapwellimen Koht kadeik ohng me suwed akan? [si p. 132 par. 13]

WADAWAD EN PAIPEL EREIN WIHK

11. Pwehn pahrekiong dahme wiawiong Seremaia me kileldi nan Seremaia 37:21, soangen koapworopwor dah kitail kak ahneki?

12. Dahme kahrehda Paruk kak nda me Siohwa ‘ketikidohng ih pahtou pwehn kalaudehla eh kahpwal akan,’ kahrehiong ih en ‘solahr angi,’ oh nin tepio, iaduwen Paruk mwekidki kahpwalo? (Seremaia 45:1-5)

13. Iahd me Papilon tehnla oh “ohla”? (Seremaia 50:13)

14. Mehnia mouren padahk me pid kapakap me inenen sansalda mwahu nan Koulen kedepwidepw kan 3:8, 9, 42-45?

15. Kuruma me kawehwehpe mie nan Esekiel irelaud 1 kin wia kilelepen dah?