Dahme Kitail Kak Koasoia Duwen Makasihn kan

The Watchtower Aug. 15

“I mwahuki ese ahmw madamadau duwen dahme met koasoia. [Wadek Ipru 3:4.] Ke pwungki me mie emen Sounkapikada loalokong wiahda pahnlahng? [Mweidohng en sapeng.] Makasihn wet kasawih ma en kamehlele Sounkapikada pahrekiong pali en sains.”

Awake! Aug.

“Ke lemeleme ia wasa pahpa oh nohno kan kak diarada kaweid me uhdahn pahn sewese irail? [Mweidohng en sapeng.] Kilang inou wet mih nan Paipel. [Wadek 2 Timoty 3:16.] Makasihn wet kasalehda iaduwen pweida mwahu me kaweid en Paipel kak sewese pahpa oh nohno kan en kakairada seri kan.”

Kahn Iroir August 2007

“Ia ahmw pepehm duwen oaralap wet? [Wadek oaralap en pali keieu. Mwuhr mweidohng en sapeng.] Paipel kihong kitail kahrepe en koapworopwor. [Wadek Madiu 6:9, 10.] Makasihn wet kawehwehda iaduwen Wehin Koht pahn kahrehiong kupwuren Koht en pweida nin sampah. Se sohte kin netikihla nait pwuhk pwehki at doadoahk utuht ni meirong me aramas akan pein toukihda. Ma ke mwahuki wia kisin meirong rahnwet, se perenki ale pwe e pahn doadoahk ong doadoahk en kalohk nan sampah pwon.”