Wadek Iren Rahn

Nan pali 3-6, ke pahn diar iren onop kan ong iren rahn ong ehuehu rahn en pahr 2009. Iren onop kan kak sewese iuk en diar pasapeng en iren rahn me kohsang Kahn Iroir (wp) en April 2007 lel March 2008. Nempe kan me mwurin Kahn Iroir (wp) kasalehda mehnia sounpwong oh mwuri iren onop kan (1, 2, 3, 4, de 5) mwuri nempe en parakrap kan.

Ke sou wiahda omw koasoandi en wadek iren rahn nimenseng koaros mwohn mwengehn nimenseng? Ni omw wia met, ke kak doudouloale mehn kataman me kohsang Mahsen en Koht ong rahno pwon oh kakehlailih iuk oh sewese iuk en powehdi kahpwal kan nan mour. Ma omw koasoandi sohte mwahu ong iuk oh omw peneinei en wadek iren rahn nimenseng, ke kak koasoanehdiong wadek iren rahn ni mwengehn nin soutik.

Kaidehn ihte wadek iren rahn oh pasapeng kan, ke sou kihong minit kei ong wadek iren Paipel me iren rahno kohsang ie. Ni ahl wet, ke pahn tamataman irair oh kahrepe ong iren rahno. Pein idek rehmw: ‘Ia wehwehn iren rahn wet? Ia duwen e kak kadoadoahk ong ie oh ei peneinei?’ Ke pahn diar me wadek oh doudouloale iren rahn kak kamarain oh kapai ong iuk oh omw peneinei.