Pakair Kan

◼ Pwuhk kan me kitail pahn kihla nan October: Makasihn kan en The Watchtower oh Awake! oh Kahn Iroir. Ni ahnsou me aramas kin perenki rong, kitail kak kihla oh koasoiapene audepen tract en Ke Men Kalaudehla Ahmw Wehwehki Paipel? pwehn tepida wia onop Paipel. November, December, oh January: Ke Kak Mour Kohkohlahte Nan Paradais Nin Sampah.

◼ Kapahrek tohrohr ong 2009 ni ahnsoun Kataman pahn wiawi erein wihk en April 20, 2009. Oaralap en padahk pahn pakair mwuhr. Mwomwohdiso kan me mie arail mwemweit en sounapwalih me kin seiloak de kapokon ni imwin wihko pahn rong padahk tohrohr ni wihk en mwurio. Mwomwohdiso sohte kak wia padahk tohrohr wet mwohn wihk en April 20.

◼ Ong presiding overseer oh sounapwalih en Sukuhl ong Sapwellimen Koht Doadoahk: Koasoandi kapw en mihting pahn tapihada wihk en December 29, 2008, oh wekidekla wet pahn kilelehdi nan Atail Doadoahk Ong Wehio en December 2008. Ni ahnsou me wia kousapahl en Sukuhl ong Sapwellimen Koht Doadoahk ni wihko, anahne idawehn kaweid kan nan koasoandi en Sukuhl ong Sapwellimen Koht Doadoahk ong 2009. Sohte pahn wia Padahk en wiepen koasoi ni soutiko.

◼ Pwehki mie Rahn Kaunop limau oh Rahn Sarawi limau nan November, e pahn wia sounpwong mwahu en iang auxiliary pioneer.