Pakair kan

◼ Pwuhk kan me kitail pahn kihla nan January, February, oh March: Ke Kak Mour Kohkohlahte Nan Paradais Nin Sampah de Loalokong Me Pahn Kahluwalahng Mour Soutuk. April: Kahn Iroir oh pwuhken Kupwurki.

◼ Tepida sang keieun wihk nan March, sounapwalih me kin seiloak pahn wia kapahrek kapw me oaralap mahsanih “Soikala Mehkan en Sampah oh Rapahki Wehin Koht.”

◼ Mwomwohdiso kan anahne wiahda koasoandi mwahu ong kasarawi Kataman me pahn wiawi Niepeng, April 9 nan pahr wet mwurin kihrlahn ketipin. Ehuehu mwomwohdiso anahne song en wia pein arail Kataman. Ma mwomwohdiso tohto kin doadoahngki ehu Wasahn Kaudok, mwein ehu de ekei mwomwohdiso kak doadoahngki ehu wasa tohrohr ni soutiko. Ma kak, e pahn mwahu en koasoanehdi minit 40 de reireisang nanpwungen kataman kan pwe aramas koaros en kak paiekihda koasoakoasoipene mwurin Kataman.

◼ Ohpis en Sounkadehdehn Siohwa kan nan Guam anahne kolokol adres oh numpe en telephone en soun koasoanehdi pwihn en elder kan oh sekderi kan koaros. Ma wekidekla kan wiawi, soun koasoanehdi pwihn en elder, sekderi, oh sounapwalih en kalohk anahne mwadang audehda oh sain doaropwe en S-29 oh kadalarahng ohpiso.